دنیا بھر میں تیزی سے مقبول ہونے والی موبائلایپ ٹک ٹاک میں بہت جلد صارفین اپنی ویڈیوز سے لوگوں کوں متاثر کرنے کے ساتھ ساتھ پسے بھی کماسکیں گے۔

ٹک ٹاک میں اس نئے فیچر کی ٹیسٹنگ جارہی ہے جس کی بدولت صارفین ایپ کے اندر مختلف مصنوعات کو تلاش کرکے خرید سکیں گے یا کسی ای کامرس ویب سائٹ پر جاسکیں گے۔

ٹک ٹاک کے فیچر کی بدولت صارفین اپنی ویڈیوز میں ایک لنک ایڈ کرسکیں گے جو کلک کرنے پر ناظرین کو ای کامرس سائٹس پر لے جائے گا جہاں وہ مصنوعات خرید سکیں گے جبکہ صارفین اپنے پروفائل پیج پر بھی ایک یو آر ایل ایڈ کرسکیں گے۔

ٹیکنالوجی سائٹ ٹیک کرنچ سے بات کرتے ہوئے ٹک ٹاک کے ایک ترجمان نے نئے فیچرز کی تصدیق کرتے ہوئے کہا کہ “یہ کمپنی کی جانب سے کیے جانے والے تجربات ہیں جن کا مقصد ایپ کو بہتر بنانا ہے”۔

Advertisement

https://t.co/SdbRCy1Fsd

— Fabian Bern 法比安 (@iamfabianbern) November 15, 2019

ٹک ٹاک کا یہ فیچر انسٹاگرام کے اسٹوریز اور شاپ ایبل پوسٹس سے ملتا جلتا ہے اور ان کو انسٹاگرام میں زیادہ فالورز رکھنے والے صارفین کی جانب سے مختلف کمپنیوں کی مصنوعات کی مارکیٹنگ کرکے اس سے پیسے کماتے ہے-
ٹک ٹاک اور انسٹاگرام میں مقابلہ تیز ہورہا ہے اور وہ دونوں ہی ایک دوسرے کے فیچرز کی نقل کرکے اپنے آپ کو صارفین کی نظر میں بہتر صابت کر رہے ہیں۔