وزیراعظم عمران خان کی جانب سے ضرورتمند اور نادار افراد کی امداد اور معاشرتی تحفظ  کیلئے احساس ایمرجنسی کیش پروگرام شروع کردیا گیا۔

تفصیلات کے مطابق احساس ایمرجنسی پروگرام کے تحت12 ہزار روپے فی خاندان تقسیم کیے جائیں گے۔

وفاقی حکومت کی جانب سے احساس ایمرجنسی پروگرام کی رجسٹریشن بھی شروع کردی گئی۔ وزیراعظم عمران خان نے امدادی رقم کی وصولی کیلئے ایس ایم ایس سروس بھی شروع کردی ہے۔

وزیراعظم کی معاون خصوصی برائے تحفیف غربت و سماجی تحفظ ڈاکٹر ثانیہ نشتر کا کہنا ہے کہ احساس ایمرجنسی کیش پروگرام کے تحت آج بدھ سے رقم تقسیم کرنے کا سلسلہ شروع کیا جائے گا۔

 منگل کی صبح تک تمام موصول شدہ ایس ایم ایس کی تعداد3  کروڑ 86 لاکھ 56 ہزار8 سو 37 ہے‘ ایمرجنسی کیش امداد کے مستحق افراد اپنا شناختی کارڈ نمبر 8171 پر ایس ایم ایس کرکے اس پروگرام سے مستفید ہوسکتے ہیں۔

ڈاکٹر ثانیہ نشتر کا کہنا ہے کہ احساس ایمرجنسی کیش پروگرام پاکستان کی تاریخ کا سب سے بڑا سماجی تحفظ کا پروگرام ہے جس کے ذریعے1کروڑ 20 لاکھ سے زائد خاندانوں کو مالی معاونت فراہم کی جائے گی۔

 احساس ایمرجنسی کیش پروگرام کے اہل افراد

امدادی پروگرام کے تحت ہرضرورتمند خاندان کا ایک فرد درخواست دے سکتا ہے تاہم ذیل میں دیے گئے افراد حکومتی کیش لینے کے اہل نہیں۔

ایسے افراد جن کا سی این آئی سی نہیں بنا ہوا یا انکی کوئی ٹریول ہسڑی ہے، ایسے افراد جو جائیدادیں رکھتے ہیں۔

جن کے 10 ہزار روپے سے زائد یوٹیلٹی بلزہیں۔

جن افراد کا پاسپورٹ بنا ہوا یا بننے کیلئے دیا ہوا ہے۔

جو حکومتی ریلیف اسکیم کیلئے پہلے سے رجسٹرڈ ہیں۔

وفاقی یاصوبائی سرکاری ملازمین کا خاندان بھی احساس ایمرجنسی کیش اسکیم کیلئے اہل نہیں۔

ایسے افراد جن کا موبائل بل 1 ہزار روپے یا اس سے زائد ہو۔

جن افراد یا اس کے کسی فیملی ممبر نے شاختی کارڈ ایگزیکیوٹو فیس ادا کرکے حاصل کیا ہو۔

احساس ایمرجنسی کیش پروگرام کیلئے درخواست کیسے دی جائے؟

مستحق افراد نادرا کے آن لائن پورٹل پر احساس پروگرام کی تفصیلات اور اہلیت چیک کرسکتے ہیں۔ پورٹل اس لنک پر کھولا جاسکتا ہے۔

https://ehsaas.nadra.gov.pk/ehsas/

پورٹل پر آپ اپنا شناختی کارڈ نمبر فراہم کرکے اپنی اہلیت آن لائن چیک کرسکتے ہیں۔

اگر آپ فی الحال رجسٹرڈ نہیں ہیں ، تو اپنی اہلیت کی تصدیق کر کے آن لائن اندراج کریں۔

اگلے مرحلے میں اپنا فون نمبر اور موبائل نیٹ ورک درج کروائیں۔ جس کے بعد تصویر پر دیا گیا کوڈ درج کریں اور (جمع) کے بٹن پر کلک کرکے بھیج دیں۔

درخواست بھیجنے کے آخری مرحلے میں اپنا مکمل پتہ درج کریں اور دی گئیں تمام تفصیلات کی تصدیق کرلیں۔ فارم پر دی گئیں شرائط و ضوابط کو قبول کرکے درخواست بھیج دیں۔

آپ کی آن لائن درخواست جمع کرائی جاچکی ہے، اب آپ جواب موصول ہونےکا انتظار کریں۔

The #Ehsaas Emergency Cash application web-portal is now open to check eligibility. Those that are being asked to contact District Administration (through SMS) will now also be able to register here without visiting the office: https://t.co/hMTxdPJiD2 pic.twitter.com/CLoVzcCZkB

— Sania Nishtar (@SaniaNishtar) April 3, 2020