ہم شروع دن سے سنتے آرہے ہیں کہ میاں بیوی کے درمیان جھگڑے درحقیقت ان کے درمیان محبت کو بڑھا دیتے ہیں۔

 مگراب ماہرین کی جدید ترین تحقیقات کی روشنی میں اس حوالے سے کچھ ایسے انکشاف ہوئے ہیں جو کہ بہت حیرت انگیز ہیں۔

امریکی ماہرین کی تحقیق کے مطابق میاں بیوی کے جھگڑوں کا اثر مردوں سے زیادہ عورتوں کی صحت پر زیادہ پڑتا ہے اور وہ ان جھگڑوں کے سبب کئی موذی بیماریوں میں مبتلا ہوجاتی ہیں ۔

خواتین جو کہ اپنے شوہروں سے زیادہ جھگڑتی ہیں ان کا بلڈ پریشر مستقل طور پر زیادہ رہنا شروع ہو جاتا ہے اور وہ اس وجہ سے چڑچڑے پن کا شکار بھی تیزی سے ہو جاتی ہیں اور مستقل طور پر ہائی بلڈ پریشر کی مریضہ بن جاتی ہیں۔

جن خواتین کے گھر میں تناؤ کا ماحول ہو اور باہمی چپقلش اکثر و بیشتر ہو ان عورتوں کے ذیابطیس میں مبتلا ہونے کے امکانات میں اضافہ ہو جاتا ہے ۔

خواتین کے اندر دل کے امراض میں مبتلا ہونے کا ایک بڑا سبب گھریلو جھگڑوں کے سبب ہونے والی پریشانی ہے جس کی وجہ سے ان کے حساس دل پر منفی اثرات مرتب ہوتے ہیں اور وہ دل کی بیماری کا شکار ہو جاتی ہیں۔

خواتین کے اندر فالج کا ایک بڑا سبب گھریلو جھگڑوں کے سبب ان کا ذہنی تناؤ اور تیزی سے بڑھنے والا بلڈ پریشر ہوتا ہے جو کہ خواتین کو فالج کے اٹیک کا شکار کر سکتا ہے۔

میاں بیوی کے درمیان باہمی لڑائی  کا براہ راست اثر خواتین کے دماغ پر پڑتا ہے اور وقتاً فوقتاً پڑنے والے اس دباؤ کے باعث ان کے ڈپریشن میں مبتلا ہونے کے امکانات بڑھ جاتے ہیں اور وہ اپنا دھیان رکھنا چھوڑ دیتی ہیں جس کے باعث وقت کے ساتھ ساتھ اگر دھیان نہ دیا جائے تو ان کی سوچ ان کو خود کشی کرنے پر بھی مجبور کر سکتی ہے-