نایاب رنگوں کی تلاش اور ایک مخصوص دکان

عروبہ خانویب ایڈیٹر

27th Nov, 2021. 12:17 pm
نایاب رنگوں کی تلاش

پینسل، یا پینسل کلر یا پھر کسی بھی قسم کی کوئی خاص پینسل جس کی آپ کو تلاش ہو اور جو کہیں نا مل رہی ہو وہ ڈاکٹر پینسل کی دکان میں ضرور مل جائیگی۔

آپ سوچ رہے ہونگے کہ پینسل اور خاص پینسل میں کیا ہی فرق ہوگا؟ لیکن اس کی قدر ہنر اور شعور والے ہی جان سکتے ہیں کوئی عام شخص کے بس کی بات نہیں ہے۔

ایران کے شہر تہران کے گرینڈ بازار میں موجود ہے ایک پینسل کی دکان جس کو محمد رافیع نامی شخص چلاتا ہے۔

اس دکان میں کونسی پینسل کہاں ہے اور کونسی پینسل کیا کام کریگی ہے محمد رافیع اس حوالے سے سب معلومات رکھتے ہیں۔

انہیں ڈاکٹر پینسل کے نام سے بھی پکارا جاتا ہے، اس دکان کے حوالے سے ان کا کہنا ہے کہ میرے رنگوں کی جانب رجحان نے مجھے ان پینسلوں کی اہمیت کے حوالے سے متاثر کیا ہے۔

انہوں نے پینسلوں کے حوالے سے بات کرتے ہوئے بتایا ہے کہ ’مجھے بہت شوق تھا یہ جاننے کا کہ 2 مختلف رنگ کیسے اور کس طرح ایک نیا رنگ تیار کرتے ہیں اور یہی تجسس مجھے اس راستے پر لے آیا ہے۔‘

ان کا کہنا تھا کہ عام طور پر ایک کلر پینسل کے ڈبے میں وہ رنگ نہیں پائے جاتے ہیں جو کہ ایک خوبصورت رنگ کی تشکیل میں استعمال ہوتے ہیں اسی لئے یہ دکان بنائی جہاں ہر رنگ اور ہر طرح کی پینسل مل جاتی ہے۔

Square Adsence 300X250