بھارت: راجستھان کے سیکر ضلع سے تعلق رکھنے والے ایک انجینئر کو روبوٹکس سے اتنا پیار ہے کہ اس نے گیگا نامی روبوٹ سے شادی کرنے کا فیصلہ کیا ہے۔

اس حوالے سے جاری رپورٹس کے مطابق بھارتی فلم ’تیری باتوں میں ایسا الجھا جیا‘ کی پیش نظر سوریہ پرکاش نامی بھارتی شہری نے اصل زندگی میں ایک روبوٹ سے شادی کرنے کا فیصلہ کیا ہے جو کہ تمام رسم و رواج کے ساتھ منعقد ہوگی۔

اس حوالے سے سوریہ پرکاش سموتا نے کہا کہ گیگا کو تمل ناڈو میں تقریباً 19 لاکھ روپے کی لاگت سے بنایا جا رہا ہے، جبکہ اس کی پروگرامنگ دہلی میں کی جا رہی ہے۔

انہوں نے کہا کہ روبوٹکس نے انہیں بچپن سے ہی اپنی طرف متوجہ کر رکھا ہے اور انہیں مصنوعی ذہانت اور ہیومنائیڈ روبوٹس میں گہری دلچسپی ہے۔

روبوٹ گیگا کے ساتھ اپنی شادی کے بارے میں بات کرتے ہوئے سوریہ پرکاش نے کہا کہ ان کا پورا خاندان شادی میں شرکت کرے گا۔

انہوں نے کہا کہ جب میں نے پہلی بار اپنے والدین کو روبوٹ سے شادی کرنے کے اپنے فیصلے کے بارے میں بتایا تو وہ حیران تھے لیکن بعد میں میں انہیں قائل کرنے میں کامیاب ہوگئے۔

انہوں نے کہا کہ گیگا کے پروگرامنگ پر تقریباً 5 لاکھ روپے لاگت آئے گی اور یہ انگریزی میں ہوگی لیکن جب چاہیں ہندی پروگرامنگ بھی شامل کی جا سکتی ہے جو کہ مسلسل آٹھ گھنٹے کام کر سکتا ہے جس میں ہر طرح کے گھریلو کام شامل ہیں۔

سوریہ پرکاش نے کہا کہ وہ اب تک 400 سے زیادہ روبوٹکس پروجیکٹس پر کام کر چکے ہیں۔