منصفانہ انتخابات ہوئے تو شکست تسلیم کروں گا، ڈونلڈ ٹرمپ

ویب ڈیسک

06th Nov, 2024. 10:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منصفانہ انتخابات ہوئے تو شکست تسلیم کروں گا، ڈونلڈ ٹرمپ

واشنگٹن: امریکی صدارتی انتخابات میں ریپبلیکن پارٹی کے امیدوار ڈونلڈ ٹرمپ نے کہا ہے کہ اگر انتخابات منصفانہ ہوئے تو شکست تسلیم کروں گا۔

امریکی صدارتی امیدواراور سابق صدر ڈونلڈ ٹرمپ نے اپنے جاری کردہ بیان میں کہا ہے کہ ووٹ گننے میں 2 سے 3 لگنے کی کوئی وجہ نہیں ہے، اتنی تاخیر ہورہی ہے تو قیمتی کمپیوٹر رکھنے کا کیا فائدہ ہے، میں صرف غیر قانونی تارکین وطن کے خلاف ہوں۔

انہوں نے کہا کہ الیکشن میں بڑی لیڈ سے کامیابی حاصل کریں گے، ایران کو جوہری ہتھیار رکھنے کی اجازت نہیں دیں گے، انتخابی مہم بہت شاندار تھی، الیکشن نہ جیتا تو ہار تسلیم کروں گا۔

ڈونلڈ ٹرمپ نے سول سیکرٹ سروس پر تنقید کرتے ہوئے کہا کہ سول سیکرٹ سروس کی وجہ سے پہلے مشکلات پیش آئیں، مجھ پر مشین گنیں تانی گئیں، ایسا ساری زندگی نہیں دیکھا۔

واضح رہے کہ سینتالیسویں امریکی صدر کے انتخاب کے لئے تمام ریاستوں میں پولنگ کا عمل جاری ہے، پانسہ پلٹنے والی ریاستوں پینسلوینیا اور شمالی کیرولائنا پر سب کی نظریں جمی ہوئی ہے۔

پہلی ریاست میں 19 جبکہ دوسری میں 16 الیکٹورل ووٹس کا فیصلہ ہوگا، کسی بھی امیدوار کو جیت کے لئے کم از کم 270 الیکٹورل ووٹ درکار ہوں گے۔