آج ملک بھر میں موسم سرد اور خشک رہے گا۔
تفصیلات کے مطابق پنجاب کے میدانی علاقوں اور بالائی سندھ کے اضلاع میں دھند پڑسکتی ہے جبکہ ملک کے بیشتر علاقوں میں موسم خشک اور سر د رہنے کا امکان ہے۔
ملک کےبیشترعلاقوں میں سردی کی لہربرقراررہےگی
ذرائع کے مطابق بالائی خیبرپختو نخوا کے پہاڑی علاقے، کشمیراورگلگت بلتستان میں چند مقامات پر بارش اورپہاڑوں پربرف باری متوقع ہے تاہم اسلام آباد میں آج صبح ہلکی کہر پڑی جس کے سبب سردی کی شدت میں اضافہ ریکارڈ کیا گیا۔
شہر قائد میں آئندہ چو بیس گھنٹوں کے درمیان موسم خشک اور رات سرد رہنے کا امکان ہے جبکہ آج پورا دن تیز ہواؤں کے چلنے کا سلسلہ بھی جاری رہے گا۔
شہرکراچی میں شمال مشرق کی سمت سے 21 سے 27 کلو میٹر فی گھنٹہ کی رفتار سے ہوائیں چل رہی ہیں جن میں نمی کا تناسب 49 فیصد ہے۔
دارلحکو مت میں صبح کے وقت شہر کا درجہ حرارت سات ڈگری سینٹی گریڈ رہا جو زیادہ سے زیادہ 13 تک جا سکتا ہے۔
محکمہ موسمیات کے مطابق سند ھ کے بیشتر اضلاع میں بھی موسم سرد اور خشک رہنے کا امکان ہے جبکہ سکھر، جیکب آباد اورلاڑکانہ میں دھند پڑے گی۔
صوبہ پنجاب کی با ت کی جا ئے تو بیشتراضلاع میں موسم سرد اور خشک رہے گا جبکہ مری میں ہلکی بارش اور برفباری متوقع ہے۔
اس کے ساتھ ساتھ لاہور، قصور، شیخوپورہ، ننکانہ صاحب، ساہیوال، اوکاڑہ، پاکپتن، نارووال، سیالکوٹ، فیصل آباد، چنیوٹ، جھنگ، ٹوبہ ٹیک سنگھ، خانیوال، ڈیرہ غازی خان اور رحیم یارخان کے بعض علاقوں میں دھند پڑے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News