شہر قائد میں سردی کا راج برقرارہے،محکمہ موسمیات کی جانب سےکہاگیاہے کہ  سردی کی شدید لہر 20سے 22 جنوری تک جاری رہے گی۔

محکمہ موسمیات کاکہناہے کہ کراچی میں درجہ حرارت کم سے کم 7.5 ڈگری سینٹی گریڈ ریکارڈ کیا گیاجبکہ سردی کی شدت 7 ڈگری سینٹی گریڈ تک محسوس کی گئی۔

شہر میں میں ٹھنڈی ہواؤں کے باعث سردی کی شدت میں اضافہ ہوگیا جبکہ شہر کا درجہ حرارت 7.5 ڈگری سینٹی گریڈ تک گر گیا۔

محکمہ موسمیات کاکہناہے کہ شہر میں اگلے 24 گھنٹے موسم سرد اور خشک رہے گا۔آج زیادہ سے زیادہ درجہ حرارت 20 تا 22 ڈگری سینٹی گریڈ رہنے کا امکان ہے، اس وقت ہوا میں نمی کا تناسب 57 فیصد ریکارڈ کیا گیاہے۔

کراچی میں شمال مشرقی سرد ہوائیں 15 کلو میٹر فی گھنٹہ کی رفتار سے چل رہی ہیں، آج مطلع صاف رہے گا تاہم شہر میں بارش کا کوئی امکان موجود نہیں، محکمہ موسمیات نے آئندہ دنوں میں سردی میں مزید اضافے کی پیش گوئی کر رکھی ہے۔

 محکمہ موسمیات کا کہنا ہے کہ شہر میں بارش دینے والا سلسلہ شمالی علاقوں کی جانب منتقل ہوگیا ہے۔ فی الحال شہر میں بارش کا امکان کوئی نہیں۔محکمہ موسمیات کا کہنا ہےکہ 15 اور17 جنوری کی رات کو شہر کا درجہ حرارت 5 سے 6 ڈگری تک رہنے کا امکان ہے۔