محکمہ موسمیات کاکہناہے کہ آج ملک کےبیشترعلاقوں میں موسم خشک اور بالائی علاقوں میں سرد رہے گا ۔

تفصیلات کے مطبق گزشتہ 24 گھنٹوں کے دوران ملک کےبیشترعلاقوں میں موسم خشک رہا جبکہ بالائی علاقوں میں سردی کی شدت برقرار رہی۔ بالائی خیبرپختونخوا ، گلگت بلتستان اورکشمیر کے چنداضلاع میں بارش ہوئی۔

محکمہ موسمیات کےمطابق کوئٹہ سمیت بلوچستان کے بیشتر علاقوں میں موسم خشک اور سرد رہے گا، وادی کوئٹہ میں کم سے کم درجہ حرارت 6 ڈگری سینٹی گریڈ ریکارڈکیاگیاہے۔ زیارت میں کم سے کم درجہ حرارت 2 جبکہ قلات میں 5 ڈگری سینٹی گریڈ ریکارڈکیاگیا۔

دوسری جانب ملتان میں آئندہ 24 گھنٹوں کے دوران موسم خشک رہے گا، ملتان میں درجہ حرارت زیادہ سے زیادہ 24 ڈگری سینٹی گریڈ تک رہنے کا امکان ہے جبکہ کم سے کم درجہ حرارت 9 ڈگری سینٹی گریڈ ریکارڈ کیا گیا ہے۔ ہوا میں نمی کا تناسب 70 فیصد ریکارڈ کیا گیا ہے۔

خیبرپختونخوا: کالام، بالاکوٹ 07، دیر، مالم جبہ ، پٹن03، میر کھانی ، پاراچنار02 ،سیدوشریف 01 ، کشمیر: گڑھی دوپٹہ 02 ، مظفرآباد (ائیر پورٹ ، سٹی 01) ، گلگت بلتستان: بگروٹ میں 01. ملی میٹر بارش ریکارڈ کی گئی۔

آج ریکارڈ کیے گئے کم سے کم درجہ حرارت: پاراچنار منفی 08 ، کالام منفی 06،اسکردو منفی 05، بگروٹ منفی 04 ، گوپس ، کوئٹہ منفی 03 اور مالام جبہ میں منفی 02 ڈگری سینٹی گریڈ ریکارڈ کیا گیا۔