محکمہ موسمیات کاکہناہے کہ آج ملک کے بیشترعلاقوں میں موسم سرد اور خشک جبکہ شمالی بلوچستان، بالائی خیبر پختونخوا، گلگت بلتستان اور کشمیر میں موسم شدید سرد رہے گا۔ شمال مشرقی پنجاب اور کشمیر میں صبح کے وقت بوندا باندی کا امکان ہے۔
تفصیلات کے مطابق وفاقی دارالحکومت میں آج صبح مطلع بالکل صاف رہا اور سردی کی شدت میں بھی معمول کمی ریکارڈ کی گئی۔ صبح کے وقت اسلام آباد کا درجہ حرارت8 ڈگری سینٹی گریڈ رہا جو کہ زیادہ سے زیادہ 15 تک جاسکتا ہے۔
محکمہ موسمیات کاکہناہے کہ سندھ کے بیشتر اضلاع میں موسم سرد اور خشک رہے گا تاہم کراچی میں سردی کی لہر برقرار رہے گی۔ صبح کے وقت شہر کا درجہ حرارت 11 ڈگری سینٹی گریڈ ریکارڈ کیا گیا جو کہ 26 تک جانے کا امکان ہے۔
کراچی میں ہوا میں نمی کا تناسب 87 فیصد ہے ہوا کی رفتار 6 کلومیٹر فی گھنٹہ ریکارڈ کی گئی، کراچی میں سمندری ہوائیں بند ہونے سے درجہ حرارت میں اضافہ ہوا آج بھی مطلع صاف، موسم سرد اور خشک رہے گا۔
صوبہ بلوچستان کے بیشتراضلاع میں موسم سرد اور خشک جبکہ کوئٹہ، قلات اور زیارت میں شدید سرد رہنے ک توقع ہے۔ پنجاب کے اکثر اضلاع میں آج موسم سرد اور خشک رہے گا تاہم لاہور اور گوجرانوالہ میں صبح کے وقت بونداباندی متوقع ہے۔
خیبرپختونخوا اور گلگت بلتستان میں آج موسم خشک اور شدید سرد رہے گا جب کہ آزادکشمیر میں چند مقامات پر بونداباندی ہوسکتی ہے۔
گزشتہ24 گھنٹوں کے دوران ملک کے بیشتر علاقوں میں موسم سرد اور خشک رہا۔ سب سے زیادہ سردی اسکردو میں پڑی جہاں کا درجہ حرارت منفی14 ڈگری سینٹی گریڈ ریکارڈ کیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News