ملک کےبیشترعلاقوں میں بارش کاامکان

ثمرا مظہر

13th Feb, 2020. 09:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کےبیشترعلاقوں میں بارش کاامکان

محکمہ موسمیات کاکہناہےکہ آئندہ 24 گھنٹوں کے دوران ملک کے بعض علاقوں میں بارش اور پہاڑوں پرہلکی برفباری کا امکان ہے۔

تفصیلات کے مطابق محکمہ موسمیات کے مطابق آج ملک کےبیشترعلاقوں میں موسم سرد اورخشک جبکہ بالائی علاقوں میں ابرآلود رہے گا۔

تاہم بالائی خیبرپختونخوا، گلگت بلتستان، کشمیر اوراس سے ملحقہ پہاڑی علاقوں میں چند مقامات پر بارش اور پہاڑوں پر برفباری کا امکان ہے۔

اس دوران اسلام آباد اور خطہ پوٹھوہار میں بھی بوندا باندی اورہلکی بارش کی توقع ہے۔

گذشتہ روزبالائی ملک کے دیگر علاقوں میں موسم سرد اور خشک رہاجبکہ پنجاب، بالائی خیبرپختونخوا ، بلوچستان، گلگت بلتستان اور کشمیر کے اضلاع میں بارش ہوئی۔

محکمہ موسمیات کےمطابق کالام ، مالم جبہ ، اسکردو ، گوپس ، بگروٹ اور ہنزہ میں برف باری بھی ریکارڈ کی گئی۔

آج ریکارڈ کیے گئے کم سے کم درجہ حرارت میں اسکردو، پاراچنارمیں منفی 08،بگروٹ منفی 07،گوپس منفی 04، استور منفی 03، ہنزہ اور کالام منفی 02 ڈگری سینٹی گریڈ ریکارڈ کیا گیا۔