آج ملک کےبیشترعلاقوں میں موسم سرد اور خشک رہےگا۔
محکمہ موسمیات کے مطابق ملک کےبیشترعلاقوں میں موسم سرد اور خشک رہےگا جبکہ بالائی خیبر پختونخوا، کشمیراورگلگت بلتستان شدید سرد رہے گے۔
موسم سرد اور خشک
اسلام آباد میں آج مطلع صاف رہا اور سردی کی شدت میں بھی کمی ریکارڈ کی گئی۔
صبح کے وقت درجہ حرارت 8 ڈگری سینٹی گریڈ رہا جو زیادہ سے زیادہ 16 تک جا سکتا ہے۔
دوسری جانب بلوچستان اور سندھ کے بیشتر اضلاع میں موسم خشک اور سرد رہے گا جبکہ کوئٹہ، قلات اور زیارت میں شدید سرد رہنے کا امکان ہے۔
بعض میدانی علاقوں میں صبح کے وقت ہلکی دھند پڑنے کا سلسلہ جاری ہے تاہم کچھ علاقوں میں سردی کی شدت کم ہوئی ہے۔
گوجرانوالہ، سیالکوٹ، گجرات، لاہور، فیصل آباد، اوکاڑہ، ساہیوال، ملتان، خانیوال، بہاولپور اور بہاولنگرمیں صبح کے اوقات میں دھند پڑ سکتی ہے۔
واضح رہے کہ گزشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا۔
سب سے زیادہ سردی اسکردو میں پڑی جہاں کا درجہ حرارت منفی 18 ڈگری سینٹی گریڈ ریکارڈ کیا گیا۔
کالام منفی 12، استور، بگروٹ، گوپس منفی10، پاراچنار منفی08، قلات، ہنزہ، مالم جبہ منفی05، دیرمنفی 04، گلگت، مری اورراولاکوٹ میں منفی 03 ڈگری سینٹی گریڈ ریکارڈ کیا گیا۔