رواں ہفتے مزید مون سون بارشوں کی پیشگوئی

ویب ڈیسک

15th Jul, 2024. 03:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں ہفتے مزید مون سون بارشوں کی پیشگوئی

اسلام آباد: محکمہ موسمیات نے رواں ہفتے مزید مون سون بارشوں کی پیشگوئی کر دی۔

محکمہ موسمیات کے مطابق 16 جولائی سے بحیرہ عرب سے مون سون ہوائیں ملک کے بیشتر علاقوں میں داخل ہوں گی، اسلام آباد سمیت پنجاب کے مختلف علاقوں میں 17 سے 20 جولائی کے دوران تیز ہواؤں گرج چمک کے ساتھ بارش کی توقع ہے۔

محکمہ موسمیات کا کہنا ہے کہ خیبرپختونخوا کے مختلف علاقوں میں 16 سے 21 جولائی کے دوران تیز ہواؤں گرج چمک کے ساتھ بارش کی توقع ہے جبکہ بلوچستان کے مختلف علاقوں میں 17 سے 19 جولائی کے دوران آندھی گرج چمک کے ساتھ بارش کی توقع ہے۔

اس کے علاوہ سندھ کے مختلف علاقوں میں 18 اور 19 جولائی کے دوران آندھی اور گرج چمک کے ساتھ بارش کا امکان ہے۔

محکمہ موسمیات نے مزید بتایا کہ کشمیر میں 16 سے 21 جولائی کے دوران تیز ہواؤں گرج چمک کے ساتھ بارش کی توقع ہے جبکہ گلگت بلتستان میں 17 سے 21 جولائی کے دوران مطلع جزوی ابر آلود رہنے اور وقفے وقفے سے بارش کا امکان ہے۔