کراچی میں آج بھی وقفے وقفے سے بارش کا امکان

مریم حسن

04th Aug, 2024. 10:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں آج بھی وقفے وقفے سے بارش کا امکان

کراچی شہر میں آج بھی پورا دن وقفے وقفے سے بارش کا امکان ہے۔

محکمہ موسمیات نے شہر قائد میں آج بھی گرج چمک کے ساتھ موسلادھار بارش کی پیشگوئی کی ہے۔

کراچی میں بادلوں کا ڈیرا ہے جس کی وجہ سے موسم انتہائی خوشگوار نظر آرہا ہے۔

محکمہ موسمیات کا کہنا ہے کہ شہر کا آج کم سے کم درجہ حرارت 28 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 32 ڈگری سینٹی گریڈ تک جانے کا امکان ہے۔

کراچی میں موجودہ درجہ حرارت 29 ڈگری سینٹی گریڈ ریکارڈ کیا گیا ہے جبکہ ہوا میں نمی کا تناسب 81 فیصد ہے۔

محکمہ موسمیات نے مزید بتایا کہ شہر میں اس وقت 15 کلو میٹر فی گھنٹہ کی رفتار سے مغربی سمت سے ہوا چل رہی ہے، تاہم آج وقفے وقفے سے بارش کا بھی امکان ہے۔

واضح رہے کہ کراچی میں نیا اسپیل داخل ہونے کی وجہ سے 6 اگست تک شہر میں تیز ہواؤں اورگرج چمک کے ساتھ مزید بارشوں کا امکان ہے۔

محکمہ موسمیات کے مطابق طاقتور مون سون ہواؤں کا سلسلہ راجستھان، بھارت اور بحیرہ عرب سے سندھ پر اثر انداز ہورہا ہے، جس کی وجہ سے کراچی میں آج بھی چند مقامات پردرمیانی سے موسلادھار بارش ہوسکتی ہے۔