کراچی میں صبح سویرے رم جھم سے موسم خوشگوار

مریم حسن

11th Aug, 2024. 10:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں صبح سویرے رم جھم سے موسم خوشگوار

کراچی: شہر کے مختلف علاقوں میں صبح سویرے ہونے والی بارش سے موسم خوشگوار ہو گیا۔

محکمہ موسمیات کے مطابق کراچی کے مختلف علاقے کورنگی، ماڑی پور روڈ، طلیاری، ہاکس بے کے اطراف میں صبح سویرے سے کالی گھٹا نے اپنے ڈیرے ڈالے ہوئے ہیں، کہیں معتدل تو کہیں ہلکی بارش کا سلسلہ وقفے وقفے سے جاری ہے۔

محکمہ موسمیات کا کہنا ہے کہ شہر میں سرمئی بادلوں کی وجہ سے موسم انتہائی خوشگوار نظر آرہا ہے جبکہ آج پورا دن ہلکی بارش اور بوندا باندی متوقع ہے۔

محکمہ موسمیات کے مطابق کراچی کا موجودہ درجہ حرارت 27 ڈگری سینٹی گریڈ ریکارڈ کیا گیا جبکہ آج زیادہ سے زیادہ درجہ حرارت 33 ڈگری سینٹی گریڈ تک جانے کا امکان ہے۔

محکمہ موسمیات نے مزید کہا کہ شہر میں مغربی سمت سے 19 کلو میٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 94 فیصد ہے۔