مانچسٹرایک بارپھرشدید بارشوں کی لپیٹ میں،گزشتہ روزسےجاری  شدید بارشوں کےباعث متعدد  علاقےزیرآب آگئے ہیں ۔

غیرملکی خبررساں ادارےکےمطابق برطانیہ کے شمال مغربی شہرمانچسٹرمیں گزشتہ روز سے اب تک 60 ملی میٹر بارش ریکارڈ کی گئی ہے، جس کے بعد شہر سیلابی صورت حال کی زد پر ہے، بارشوں کے باعث مانچسٹر اور لیڈزمیں ٹرینوں کی آمدورفت معطل ہوگئی ہے۔

اس کے علاوہ مضافاتی علاقوں میں شاہراہیں بند کردی گئیں۔ ریلوے لائن زیر آب آنے سےمانچسٹراورلیڈز میں ٹرینوں کی آمدورفت بھی معطل ہو گئی ہے۔

موٹروے اورمرکزی شاہراہوں پربھی پانی جمع ہوچکاہےجس کی وجہ سے ٹریفک کا نظام درہم برہم ہو گیا ہے۔ بارش کے باعث بہت سارے گھر اور کاروباری مراکز پانی میں ڈوب چکے ہیں۔

دریاؤں اور ندی نالوں میں طغیانی کے باعث انتظامیہ کی جانب سے لوگوں کوسفر سےاجتناب کی ہدایات جاری کی گئی ہیں۔ شیفیلڈ میں شاپنگ سینٹرکےاطراف پانی جمع ہونےسےاندرموجود فراد محصور ہوگئے۔

مانچسٹر پولیس اور ایمرجنسی سروسز امدادی کارروائیوں میں مصروف ہیں، اور لوگوں کو ریسکیو کیا جا رہا ہے، محکمہ موسمیات کی جانب سے مزید بارشوں کی پیشگوئی کی گئی ہے، یہ بھی کہا گیا ہے کہ طوفان برق و باراں سے مسائل شدید ہو سکتے ہیں۔

واضح رہےکہ اس سےقبل بھی رواں سال جون  میں شدیدبارشوں کےنتیجے میں برطانیہ کے جنوبی  علاقےزیر آب آگئےتھے۔ جبکہ اس سےقبل مارچ میں بھی برطانیہ کےمختلف شہروں میں   طوفانی  بارشوں نے تباہی مچائی تھی ۔ جس کے نتیجےمیں متعددعلاقےزیرآب آگئےتھےجبکہ کئی عمارتوں کو بھی نقصان پہنچاتھا۔ جبکہ رواں سال  ستمبرمیں برطانیہ ایک بارپھرطوفانی بارشوں کی زد میں  آگیا تھاجس  کےنتیجےمیں کئی شہروں میں  نظام زندگی مفلوج ہوگئی تھی جبکہ سڑکیں اورگلیاں سمندرکا  منظر پیش  کررہی تھیں۔