افغانستان کے شہر جلال آباد میں آج ایک گاڑی پر نامعلوم مسلح افراد کے حملے میں جاپان کی ایک غیر سرکاری تنظیم کے سربراہ سمیت چھ افراد ہلاک ہوگئے۔

حکام کے مطابق ، مشرقی افغانستان کے شہر جلال آباد میں نامعلوم مسلح افراد کی ان کی گاڑی پر حملہ کے بعد کم از کم 6 افراد ہلاک ہوگئے ، جن میں ایک جاپانی معالج اور امدادی کارکن شامل ہیں۔

پیس جاپان میڈیکل سروسز کے سربراہ ، تیسو نکمورا بدھ کے روز ، صوبہ ننگرہار میں مسلح حملے کے بعد اپنے زخموں کی تاب نہ لاتے ہوئے چل بسے ، جس میں ڈاکٹر کے محافظ ، ڈرائیور اور ایک مسافر سمیت پانچ ملازمین ہلاک ہوگئے۔

سرکاری حکام کے مطابق  حملہ ایسے وقت ہوا جب کابل میں دھماکے  میں اقوام متحدہ کے ایک امریکی امدادی کارکن کی ہلاکت کے چند دن بعد ہی انسانی حقوق کے گروپوں کو انتہائی چوکس رہنے کا کہاگیا تھا۔

صوبہ ننگرہار کے گورنر کے ترجمان ، عطا اللہ خوگیانی نے اپنے بیان میں کہا کہ   “افسوسناک بات یہ ہے کہ آج صبح ہونے والے مسلح حملے میں ڈاکٹر ناکامورا زخموں سے چل بسے ہیں۔”  ڈاکٹر ناکامورا جاپانی شہری ہیں جو پندرہ برس سے افغانستان کے کوہ و دمن میں تھے۔

یہاں وہ اپنے بھائی کا ادھورا مشن پورا کرنے آئے تھے۔ ان کے بھائی صحراوں و ریگزاروں میں پانی کے لیے رستے بناتے تھے ۔ یعنی دشواریوں میں گھری زندگی کے لیے وہ راہ ہموار کرتے تھے۔ بنجر زمین اور پیاسے انسان کو پانی دیتے تھے۔ اس جرم کی پاداش میں وہ قتل کردیے گئے۔