یو اے ای نے اپنے مستقبل کو جدید خطوط پر استوار کرنے کی تیاری کے لیے 50 سالہ ماسٹر پلان جاری کرنے کا اعلان کردیا ہے۔
تفصیلات کے مطابق مستقبل کے اس ماسٹر پلان کو 2020 میں حتمی شکل دی جائے گی اورسنہ 2021 میں امارات کے50 سالہ جشن تاسیس کے موقع پر اس کا باضابطہ اعلان کیا جائے گا۔
خیال رہے کہ متحدہ عرب امارات نے گزشتہ چند دہائیوں کے دوران اپنی علیحدہ پہچان بنائی ہے۔ صرف یہی نہیں بلکہ یو اے ای میں 2071 میں صد سالہ جشن کی بھی تیاریاں کی جا رہی ہیں اور اس کے تحت طویل المیعاد 50 سالہ ماسٹر پلان تیار کیا جارہا ہے۔ یہ پلان طویل مدت کے لیے روڈ میپ ہوگا۔اس سلسلے میں اماراتی وژن 2021 اور ابوظبی وژن 2030 قابل ذکر ہیں۔
یو اے ای کا ویزا بالکل مفت
یاد رہے کہ یو اے نے گزشتہ اتوار کو آئندہ تین عشروں کے لیے توانائی کی حکمت عملی کا اعلان کیا تھا۔ اس حکمت عملی کا مقصد افراد اور اداروں میں توانائی کا استعمال 40 فیصد تک گھٹانا ہے۔ 2050 تک اس حکمت عملی کے تحت 700 ارب درہم بچائے جائیں گے۔
اس موقع پر نائب صدر و وزیراعظم دبئی شیخ محمد بن راشد آل مکتوم کا کہنا تھا کہ امارات کی توانائی کے حوالے سے حکمت عملی تجدد پذیر توانائی، ایٹمی توانائی اور ماحول دوست کوہستانی توانائی کا امتزاج ہوگی۔ اس کے تحت امارات کی اقتصادی ضروریات اور ماحولیاتی اہداف میں توازن پیدا ہوگا۔
انہوں نے یہ بھی کہا تھاکہ’ متحدہ عرب امارات کی معیشت میں شرح نمو برقرار رکھنے اور توانائی کی طلب کی تکمیل کو یقینی بنانے کے لیے 2050 تک 600 ارب درہم کا سرمایہ لگایا جائے گا۔‘
کچھ عرصہ قبل دبئی میں گلوبل ویلیج فیسٹیول کا انعقاد بھی کیا گیا تھا جس میں تقریباً 78 ممالک شریک ہوئے تھے اوراس موقع پر 26 پویلینزمیں دنیا بھر کی مصنوعات، کھانے اور ثقافتی شوز پیش کیے گئے۔
اس کے علاوہ میلہ میں ساڑھے 3 ہزار سے زائد دکانیں اور اسٹال لگائے گئے تھے جس میں دنیا بھر کے نامور برانڈز شامل تھے ۔ اس میلہ کا آغاز سن 1996 سے کیا گیا تھا اور جب سے اب تک ہر سال اس میلہ کو سجایا جاتا ہے، میلہ کے ذریعے لوگوں کو ثقافتی اہمیت دنیا کے سامنے اجاگر کرنے کا موقع ملتا ہے بلکہ یہ تجارتی نقطہ نظر سے بھی بہت اہمیت کا حامل ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News