سعودی وزیر براے حج وعمرہ ڈاکٹر محمد صالح بنتن کے مطابق عمرہ زائرین کے لیے ہیلتھ انشورنس کروانا لازمی کردیا گیا ہے۔ عمرے پرآنے والے لوگوں کو صحت کی بہتر سہولیات فراہم کرنے کے لئے یہ اقدام اٹھایا گیا ہے۔
سعودی وزیرحج ڈاکٹر محمد صالح بنتن اور التعاونیہ انشورنس کمپنی کے چیئرمین سلیمان الحمید نے ہیلتھ انشورنس معاہدے پر دستخط کيے۔
سعودی وزیر براے حج وعمرہ نے کہا کہ’ سعودی حکومت چاہتی ہے کہ بیرون ممالک سے عمرے پر آنے والوں کو بہتر اور اعلی معیار کی صحت کی خدمات میسر ہوں۔ مملکت آمد سے لے کر روانگی تک صحت نگہداشت ہوتی رہے‘۔
عمرہ انشورنس پیکیج میں مہمانان حرم کے حوالے سے تمام سہولیات شامل ہوں گی۔ سعودی عرب زائرین کے سفر کو آسان بنانے کے لیے کئی پروگرام پیش کررہا ہے‘۔
التعاونیہ انشورنس کمپنی کے چیئرمین عبدالعزیز البوق نے کہا کہ’ عمرہ زائرین کو انشورنس پیکیج پر ایک لاکھ ریال تک کی ہنگامی صحت نگہداشت کی سہولت مہیا ہوگی‘۔
ہیلتھ انشورنس کی مد میں زائرین سے 110 سعودی ریال وصول کیے جائیں گے۔ زائرین سے عمرہ ویزا فیس 300 ریال وصول کی جاتی ہے جو 49 مختلف ممالک پر عائد ہے۔
مزید پڑھیں
حکومت رواں برس عازمینِ حج کو بہتر سہولیات فراہم کرے گی
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News