دبئی،خاتون نے اپنی ہی دوست کی نازیباتصاویر اورویڈیوزبناڈالیں
دبئی پولیس نےخاتون اوراس کےایک ساتھی کوخواتین کی نازیباتصاویربنانےپرگرفتارکرلیاہے۔
تفصیلات کےمطابق دبئی پولیس نےمصرسےتعلق رکھنےوالی خاتون اوراس کےساتھی کوگرفتارکرلیاہےجنہوں نے ایک منصوبہ بندی کے تحت دوخواتین کی نیم برہنہ حالت میں تصویریں اورویڈیوزبنائیں تھیں۔
پولیس کےمطابق گرفتارکی گئی 35 سالہ غیر مُلکی خاتون کاتعلق مصر سےہےجبکہ اس کا 26 سالہ ساتھی شامی باشندہ ہے۔ دونوں ایک مقامی ریسٹورنٹ میں شیف کے طور پرملازمت کرتے ہیں ۔
پولیس کےمطابق دونوں ملزمان نے ریسٹورنٹ پر ایک منصوبہ تیار کیا کہ مصری خاتون کےفلیٹ پرمقیم ایک خاتون کی ایسے وقت میں تصویریں اورویڈیوز بنائی جائےجب انہوں نے کم لباس پہن رکھا ہو۔ جس کے بعد ایک روز منصوبے کے تحت مصری خاتون اپنے شامی ساتھی ملازم کو فلیٹ پرلےآئی۔
جہاں پر اُس کے ساتھ دواورغیرمُلکی خواتین بھی مقیم تھیں۔
دونوں ملزمان نے گھر میں ایسی جگہ پرکیمرہ چھُپادیاجہاں پردونوں خواتین اکثرکپڑے بدلاکرتی تھیں۔ اس طرح انہوں نے سازش کے ذریعے دونوں خواتین کی کم لباس میں کئی تصویریں اورویڈیوزبناڈالیں۔
تاہم کچھ عرصہ بعداتفاق سے ایک لڑکی نےمصری خاتون کےموبائل میں اپنی اورساتھی لڑکی کی نامناسب حالت میں لی گئی تصاویر دیکھیں اورمعاملےکی فوری طورپرپولیس کواطلاع کردی۔
پولیس نےخاتون سےتفتیش کی تو اُس نےاس منصوبےمیں شامل اپنےساتھی کانام بھی ظاہرکردیا۔ پولیس نےدونوں ملزمان کوگرفتار کرکےمقدمہ درج کرلیاہےجبکہ دونوں ملزمان کےدرمیان واٹس ایپ گفتگو کاریکارڈ بھی حاصل کر لیاہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News