سعودی عرب کے دارالحکومت ریاض کے قدیم بازار کی 106 سال قدیم تصویر نے سوشل میڈیا پر ہلچل مچا رکھی ہے ۔
تفصیلات کے مطابق یہ تصویرکنگ عبدالعزیز اکیڈمی کی جانب سے جاری کی گئی ہے ، جاری کردہ تصویر موجودہ دارالحکومت ریاض کے قدیم بازار کی ہے۔
سعودی اخبار اخبار 24 کے مطابق یہ تصویر 1322ھ بمطابق 1914ء کی ہے۔
الخرازین نامی بازار امام ترکی بن عبداللہ جامع مسجد کے برابر میں محل کی فصیل ’سور النسائی ‘ ( خواتین والی دیوار ) کے نیچے واقع ہے۔
تصویر میں دیکھا جاسکتا ہے کہ بازار کے اطراف کھجور کے درخت نظر آرہے ہیں اور بازار کی دکانیں کچی ہیں۔
دلچسپ بات یہ ہے کہ 106 سال قدیم سعودی عرب کے بازار میں سامان خریدنے اور فروخت کرنے کے لیے مردوں کے علاوہ خواتین بھی نظر آ رہی ہیں۔
یاد رہے کہ اب سے کچھ عرصہ قبل مکہ میں کارپارکنگ کے لئے کھدائی کے دوران تقریباً 800 سال پرانی قبر دریافت کرلی گئی تھی۔
مکہ میونسپلٹی کے حوالے سے بتایا گیا تھا کہ نئی سمارٹ کار پارکنگ مکہ کے مشہور قبرستان المعلی کے برابر میں بنانے کا منصوبہ ہے۔ وہاں پارکنگ کے لیے کھدائی جاری تھی کہ کچھ قبریں نظر آئیں جو 687ھ کی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News