چین میں کرونا وائرس کے باعث ہلاکتوں کی تعداد 170 تک پہنچ چکی ہے۔
تفصیلات کے مطابق چین کے شہر ووہان سے پھیلنے والے پراسرار وائرس سے متاثر ہونے والے افراد کی تعداد 7 ہزار 711 سے تجاوز کر گئی ہے جو کہ ایک روز قبل 4 ہزار 515 تھی۔
کرونا وائرس سے نمٹنے کے لیے وزیراعظم کا اہم اقدام
ذرائع کے مطابق کرونا وائرس کے باعث ہلاکتوں کی تعداد 170 ہوگئی جبکہ تبت میں بھی ایک کیس سامنے آیا ہے۔
یہ جان لیواوائرس چین کے ہر حصے میں پھیل چکا ہے۔
دوسری جانب اب جاپان نے بھی اپنے شہریوں کو ووہان شہر سے نکالنے کے لئے خصوصی طیارہ روانہ کر دیا ہے جبکہ اب تک کی اطلاعات کے مطابق یہ وائرس سولہ ممالک میں پھیل چکا ہے۔
ذرائع کے مطابق چین کے بڑے صوبے ہوبائی میں بھی نقل و حمل پر سخت پابندیاں عائد کی گئی ہیں تاہم چین کے کچھ شہروں میں عوام میں ماسک پہننا لازمی قرار دیا گیا ہے۔
واضح رہے کہ کرونا وائرس دراصل ایک بڑا گروپ ہے جو عموماً جانوروں میں پایا جاتا ہے، ایسا بہت کم ہوتا ہے کہ یہ جانوروں سے انسانوں کو منتقل ہو جائے۔
اس سے متاثرہ افراد میں آغاز میں زکام جیسی علامات ظاہر ہوتی ہے پھر دیکھتے ہی دیکھتے ناک کا بہنا، کھانسی، گلے کی تکلیف، عموماً سردرد اور بعض اوقات بخار شروع ہو جاتا ہے۔
اس مہلک وائرس کی ایک ست دوسرے فرد میں منتقلی کے کئی راستے ہیں جن میں کھانسی، چھینک، ہاتھ ملانا شامل ہیں۔
اگر متاثرہ شخص نے کسی چیز کو چھوا ہو اور اسے دوسرا فرد چھو کر اپنے منہ، ناک یا آنکھوں کو لگائے تو اس صورت میں وہ بھی وائرس کے پھیلنے کا امکان ہوتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News