اسلامی تعاون تنظیم نے بھارت میں مسلمانوں پر تشدد کے واقعات کی شدید الفاظ میں مذمت کی ہے۔
اسلامی تعاون تنظیم کی جانب سے بھارت میں مسلمانوں پر تشدد کے واقعات کی شدید الفاظ میں مذمت کی گئی ہے۔
بیان میں کہا گیا کہ تشدد کے واقعات میں معصوم شہری زخمی و جاں بحق ہوئے، مساجد کی بے حرمتی اور مسلمانوں کی جائیدادوں کو جلانا گرانا قابل مذمت ہے۔
اسلامی تعاون تنظیم نے مسلم کش فسادات کے دوران متاثر ہونے والے خاندانوں کے ساتھ افسوس کا اظہار کرتی ہے۔
نئی دہلی میں فسادات، ہلاکتوں کی تعداد 32 ہوگئی
بھارتی دارالحکومت نئی دہلی میں متنازع شہریت کے قانون کے خلاف احتجاج کے دوران ہونے والے فسادات میں ہلاکتوں کی تعداد 32ہوگئی ہے۔
بھارتی میڈیا کے مطابق بھارتی دارالحکومت نئی دہلی میں فسادات کے باعث ہلاکتوں کی تعداد 32 ہوگئی ۔پولیس کی جانب سے 106 افراد کو گرفتار بھی کیا گیا ہے جبکہ 18 افراد کے خلاف ایف آئی آر درج کی گئی ہے ۔
مقامی حکام کا کہنا ہے کہ زخمیوں میں سے متعدد کی حالت نازک ہے اور ہلاکتوں کی تعداد میں اضافہ ہو سکتا ہے۔
نئی دہلی کی سڑکوں پر پولیس کی سرپرستی میں انتہا پسند ہندوؤں کا راج ہے۔ مسلح جتھوں نے مسلمانوں کی دکانیں اور گھر نذر آتش کردیے جبکہ متعدد مساجد کو بھی شہید کردیا گیا ہے۔
شہر میں شدید کشیدگی برقرار ہے جبکہ پولیس اور سیکیورٹی فورسز کی بھاری نفری تعینات ہے اور 4 مسلم اکثریتی علاقوں میں کرفیو نافذ کردیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News