نیویارک میں روایتی ٹائمز سکوائر پر کشمیریوں، پاکستانیوں نے جموں و کشمیر کے غیر قانونی الحاق کےخلاف مظاہرہ کیا۔

 تفصیلات کے مطابق امریکہ کے شہر نیویارک میں احتجاج کے دوران مظا ہرین نے عالمی برادری پر زور دیا کہ وہ کشمیریوں کے حق خودارادیت کےلئے اقوام متحدہ کی قراردادوں پر عملدرآمد میں اپنا کردار ادا کرے۔

 مظاہرے کا اہتمام کشمیر امریکن کونسل نے کیا تھا ، جس کا مقصد یوم یکجہتی کشمیر کے سلسلے میں ایک ہفتے کے لئے متعدد تقریبات کا اہتمام کرنا ہے۔

 مظاہرین نے بھارت مخالف اور کشمیریوں کی آزادی کے حق میں نعرے لگائے۔

یاد رہے کہ گزشتہ روز کشمیر کونسل امریکہ کے زیر ایتمام 8 فروری کی شام کو نیو یارک کے دل مین ہیٹن ٹائیم سکوایر پہ امریکہ میں مقیم پاکستانیوں اور بھارتی سکھوں کی کثیر تعداد نے احتجاجی مظاہرہ کیا  تھا ۔

کشمیر کی آزادی تک کشمیری بھائیوں کے ساتھ کھڑا رہنے کا عزم کیا اس موقع پر مختلف مکتبہ فکر کے لوگوں نے بول نیوز سے بات کی تھی ۔

مظاہرین میں خواتین اور بچے بھی موجود تھے جبکہ احتجاج میں  مظاہرین نے اس موقع پر قاتل قاتل مودی قاتل کے نعرے بھی لگائے تھے۔

کشمیر ہوں میں ‘ شہہ رگ پاکستان کی

واضح رہے کہ بھارت نےرواں ماہ  5 اگست کو آرٹیکل 370 منسوخ کر کےکشمیر کی  خود مختارحیثیت کو ختم کرکےمقبوضہ وادی میں کرفیو  نافذ کردیا تھا جو آج 40 واں روزبھی برقرارہے۔

بھارتی سرکارنے سری نگرمیں نئے فوجی بنکرز اور مورچے قائم کر کے مزید شارپ شوٹرز بھی تعینات کردیے ہیں۔

سری نگرسمیت مقبوضہ وادی کے تمام اضلاع میں کاروبارزندگی معطل،موبائل اورانٹرنیٹ سروسز تاحال بند ہیں۔ تعلیمی اداروں میں درس وتدریس کی سرگرمیاں بھی معطل ہیں جبکہ سرکاری دفاتر، بینکوں اورڈاک خانوں میں معمول کا کام بری طرح سے متاثر ہے۔