وفاقی وزیر برائے مذہبی امور اور سیکرٹری مذہبی امور کی آج سعودی سفیر نوا ف بن سید ال مالاكی سے عمرہ زائرین پر پابندی پر سعودی سفارت خانے میں ملاقات ہوئی ہے۔
ملاقات میں عمرہ زائرین پر پابندی اور حج کے حوالے سے دیگر معاملات زیر بحث آئے جبکہ سعودی سفیر نے کہا ہے کہ عمرہ زائرین پر پابندی عارضی طور پر ہے۔
ملاقات میں سعودی سفیر نے کہا ہے کہ جن عمرہ زائرین کے ویزا ایکسپائر ہونے والے ہیں انکے ویزا میں توسیع کرا دی جائے گی۔
انہوں نے کہا ہے کہ یہ پابندی صرف پاکستانی زائرین پر عائد نہیں ہے بلکہ 22 اور ممالک بھی شامل ہیں اور عمرہ زائرین کی حفاظت کے لئے مناسب میکانزم تیار کرنے کے بعد پابندی اٹھا لی جائے گی۔
سعودی عرب،عمرہ زائرین کےداخلےپر پابندی عائد
ملاقات میں نورالحق قادری نے کہا کہ حکومت پاکستان اس سلسلے میں سعودی حکومت کے ساتھ مسلسل رابطے میں رہے گی اور اسی سلسلے میں اگلے ہفتے پھر سے میٹنگ کرنے پر اتفاق بھی ظاہر کیا گیا۔
انہوں نے کہا کہ حج کے انتظامات کے حوالے سے تمام معاملات نارمل طریقے جاری رہیں گے۔
واضح رہے کہ اس سے قبل غیر ملکی خبر رساں ادارے کی رپورٹ کے مطابق سعودی عرب کی وزارت خارجہ نےٹوئٹرپراعلان کرتےہوئےکہاہے کہ عمرےاورمدینہ میں واقع مسجد نبوی کی زیارت کےلیےسعودی عرب میں داخلے پرعارضی طورپرپابندی عائد کی گئی ہےتاکہ لوگوں کی حفاظت کی جا سکے۔
We ask God Almighty to spare all humanity from all harm#CoronaVirus#COVID19 pic.twitter.com/TEYvIW1Wbd
— Foreign Ministry 🇸🇦 (@KSAmofaEN) February 26, 2020
اپنے بیان میں وزارت خارجہ نے یہ واضح نہیں کیا کہ اس معطلی سے کہ کونسے ممالک اس سے متاثر ہوں گے تاہم ان کا کہنا تھا کہ سعودی عرب کے صحت حکام اس کا فیصلہ کریں گے کہ وائرس کہاں پر خطرناک حد تک ہے۔
دوسری جانب حکام نے یہ فیصلہ بھی کیا ہے کہ فی الحال سعودی شہریوں کو ہمسایہ ممالک جانے یا ان سے واپس آنے کے لیے پاسپورٹ کی جگہ قومی شناختی کارڈ استعمال کرنے نہیں دیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News