ترجمان وزارت صحت نے گزشتہ 24 گھنٹے کے دوران سعودی عرب میں ’کورونا وائرس کے327 نئے کیسوں کی تصدیق کی ہے۔
سعودی عرب میں کورونا وائرس میں مبتلا مریضوں کی مجموعی تعداد 2932 تک پہنچ چکی ہے اور 631 افراد صحت یاب ہوچکے ہیں اور مہلک وَبا سے 41 ہلاکتیں ہوئی ہیں۔
وزارت صحت کی جانب سے سوشل میڈیا اور دیگرذرائع ابلاغ کے ذریعے مسلسل کورونا وائرس سے بچاو کےلیے احتیاطی تدابیر سے لوگوں کو آگاہ کرنے کا سلسلہ بھی جاری ہے۔
وزارت صحت کی جانب سے اردوسمیت مختلف زبانوں میں موبائل پیغامات بھی ارسال کیے جارہے ہیں جن میں کہا گیا ہے کہ ’سماجی رابطوں کو انتہائی حد تک محدود کردیں ، ہاتھوں کو مسلسل دھوئیں اور اطراف کا خاص خیال رکھیں۔
سعودی اور غیر ملکی ماہرین صحت 4 صحت جائزوں میں یہ تنبیہ کرچکے ہیں کہ حفاظتی تدابیر کی پابندی نہ کرنے پر10 ہزار سے 2 لاکھ تک افراد کورونا وائرس میں مبتلا ہوسکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News