پاکستان چین دوستی کی ایک اور مثال قائم کردی گئی ہے جس میں پاکستان نے چین کی مدد سے پہلا آئسولیشن اسپتال قائم کرلیا ہے۔
تفصیلات کے مطابق گزشتہ روز پاکستان کی جانب سے آئسولیشن اسپتال کا افتتاح کیا گیا جس کی تقریب میں وزیراعظم عمران خان سمیت پاکستان میں مقیم چینی سفیر یاؤ جنگ بھی شامل تھے۔
اسی ضمن میں آج چینی وزارت خارجہ کی جانب سے پاکستان کی حوصلہ افزائی کرنے اور مبارکباد پیش کرنے کے لئے اردو زبان میں پاکستان کے نام پیغام جاری کیا ہے۔
اپنے بیان میں چینی وزارت خارجہ کا کہنا تھا کہ پاکستان میں چین کی مدد سےآئسولیشن اسپتال کھل گیا ہے کیونکہ چین اور پاکستان تمام موسمی حکمت عملی پر مبنی شراکت داراور دوست ہیں۔
AdvertisementChina-aided isolation hospital has opened in Pakistan. China and Pakistan are all-weather strategic cooperative partners and “iron-clad friends”. We will never forget the valuable support Pakistan offered at our most trying times. Long live China-Pakistan friendship! pic.twitter.com/LeXT354UAP
— Spokesperson发言人办公室 (@MFA_China) July 10, 2020
انہوں نے مزید کہا کہ ہم بھی انتہائی آزمائشی وقت میں پاکستان کی پیش کردہ قیمتی مدد کو کبھی نہیں بھولیں گے۔
آئسولیشن اسپتال کے افتتاح پر چینی سفیر کا پیغام
اس سے قبل چینی سفیر یاؤ جنگ کا کہنا تھا کہ مجھے بہت فخر ہے کہ میں آئسولیشن اسپتال کی افتتاحی تقریب میں شریک ہوں اور یہ کامیابی بہت ہی کم مدت میں حاصل کرنا پاکستانی حکومت کے لئے ایک معجزہ ہے۔
انہوں نے کہا کہ اس وائرس کے خلاف وزیر اعظم عمران خان کی سربراہی میں جو کام این سی او سی کر رہا ہے میں نے اس کا مشاہدہ کیا ہے اور این سی او سی کا کمانڈنگ سسٹم اس خوفناک وائرس کی روک تھام اور اس کے کنٹرول میں بہت مدد دے رہا ہے۔
چینی سفیر نے کہا کہ مجھے پختہ یقین ہے کہ پاکستانی حکومت اور پاکستانی عوام کی کوششوں سے آپ اس وائرس سے بہت جلد چھٹکارا پا لیں گے۔
یاد رہے کہ پاکستان میں نیشنل کمانڈ اینڈ آپریشن سینٹر کی جانب سے بڑی کامیابی حاصل کرتے ہوئے ایک اور سنگ میل عبور کرلیا ہے۔
آئسولیشن اسپتال، انفیکشس ٹریٹمنٹ سینٹر 15 جولائی سے قبل ہی آپریشنل کردیا گیا ہے جبکہ وزیر اعظم نے نیشنل کمانڈ اینڈ آپریشن سینٹر کی بہترین کارکردگی کو سراہا بھی ہے۔
وفاق سمیت ملک کے تمام بڑے شہروں میں 1400 سے زیادہ اضافی آکسیجنیٹڈ بیڈز بھی فنکشل کردیئے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News