ترک سفیر احسان مصطفی یرداکل کی جانب سے نئے ترجمان دفتر خارجہ زاہد حفیظ چوہدری کو مبارکباد پیش کی گئی۔

ترک سفیر احسان مصطفی یرداکل کی نئے ترجمان دفتر خارجہ زاہد حفیظ چوہدری کو مبارکباد پیش کی ہے، ترک سفیر نے اپنے ٹوئٹ پیغام میں تہنیت پیش کی ترک سفیر احسان مصطفہ یرداکل نے کہا کہ زاہد برادر کو مبارکباد، دفتر خارجہ میں آپ کی کامیابی کا خواہشمند ہوں۔

زاہد حفیظ چوہدری، ترجمان دفتر خارجہ مقرر

ترک سفیر نے سابق ترجمان دفتر خارجہ عائشہ فاروقی کے لیے بھی نیک تمناوں کا اظہار کیا اور کہا کہ میں عائشہ فاروقی کے نئے راستوں کے لیے بھی نیک تمنائیں پیش کرتا ہوں سابق ترجمان دفتر خارجہ عائشہ فاروقی نے جوابی ٹوئٹ میں ترک سفیر کا شکریہ ادا کیا انہوں نے شکریہ ترک زبان میں ادا کیا۔

Advertisement

Congratulations brother Zahid and wish you success at @ForeignOfficePk…

And I wish @aishafarooqui7 all the best in her new endeavors…https://t.co/I8CRKfZRZk

— 🇹🇷 Mustafa Yurdakul/مصطفی 🌞 (@Mustafa_MFA) August 5, 2020

دوسری جانب وزارت خارجہ کی جانب سے ترجمان دفتر خارجہ عائشہ فاروقی کی جگہ زاہد حفیظ چوہدری کو ترجمان دفتر خارجہ تعینات کیا گیا ہے۔

اس ضمن میں زارت خارجہ نے نوٹیفکیشن جاری کر دیا گیا ہے جس کے مطابق زاہد حفیظ چودھری ڈی جی امور جنوبی ایشیا اور سارک کے ساتھ ساتھ ترجمان دفتر خارجہ کے اضافی فرائض سرانجام دیں گے۔

یاد رہے کہ زاہد حفیظ چوہدری وزارت خارجہ میں بطور ڈی جی ساوتھ ایشیاء اور سارک تعینات تھے۔

زاہد حفیظ چوہدری وزارت خارجہ میں 26 سال سے خدمات سرانجام دے رہے ہیں جبکہ پاکستانی سفارتخانہ واشنگٹن اور لندن میں پاکستانی ہائی کمیشن میں خدمات انجام دے چکے ہیں۔

زاہد حفیظ چوہدری بطور ڈی جی افغانستان، ایران، ترکی اور جوائنٹ سیکرٹری نیشنل سیکورٹی بھی رہ چکے ہیں۔

قبلازین عائشہ فاروقی کو گزشتہ سال 19 ستمبر کو ترجمان دفتر خارجہ تعینات کیا گیا تھا۔ وہ اس سے قبل امریکی شہر ہیوسٹن میں بطور قونصل جنرل اپنی ذمہ داریاں سرانجام دے رہی تھیں۔