خوشبوؤں کے شہر پیرس میں پاکستانیوں نوجوانوں کی ایسوسی ایشن دلوں کی ثقافت کا اہم اقدام اٹھایا گیا ہے۔
پیرس کے نواحی شہر سارسل کے نوجوانوں کی تنظیم “ دِلوں کی ثقافت “ نے پیرس سارسل شہر کی کونسل کی شراکت سے اور معروف فٹبالر جیروم راسلن کے تعاون سے سرکاری اور نجی پرائمری اور مڈل اسکولوں کے 11000 سے زائد طلباء کو اسکول اسٹیشنری کا تخفہ دیا۔
ایسوسی ایشن کے بیسیوں رضا کاروں نے کئی دن محنت کی اور 11000 بچوں کے لئے سامان کے پیکٹ تیار کئے جو شہر کے تمام اسکولوں میں تقسیم کئے گئے۔
ایسوسی ایشن کے ذمہ داران کا کہنا ہے کہ اتنا بڑا پراجیکٹ سارسل شہر کے مئیر پیٹرک حداد اور پاکستانی نژاد ڈپٹی مئیر سارسل برائے تعلیم اور ڈیجیٹل شائستہ راجہ کی خصوصی کاوش سے مکمل ہوا ہے۔
ایسوسی ایشن نے مالی مشکلات کے شکار خاندانوں کے بچوں کے لئے یہ پراجیکٹ بنایا تھا لیکن مئیر پیٹرک حداد اور ڈپٹی مئیر شائستہ راجہ نے پورے شہر کے بچوں کو اس میں شامل کرلیا جس کے لئے ہم ان کے دل سے شکرگزار ہیں۔
ڈپٹی مئیر شائستہ راجہ نے بول نیوز سے خصوصی گفتگو کرتے ہوئے کہا کہ سارسل کونسل اور فٹبالر جیروم نے ایسوسی ایشن “ دِلوں کی ثقافت “ کے اشتراک سے یہ شاندار قدم اٹھایا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News