امریکی صدر کی وائٹ ہاؤس میں توڑ پھوڑ؟ویڈیو سوشل میڈیا پر وائرل


سید قاسم رضاویب ایڈیٹر

25th November, 2020
Square ad 300 x 250

حالیہ امریکی صدارتی انتخاب میں شکست کھانے والے امریکی صدر  ڈونلڈ ٹرمپ نے ابھی تک باضابطہ اپنی شکست تسلیم نہیں کی ہے۔

ان کے فاتح حریف جو بائیڈن امریکی تاریخ میں سب سے زیادہ ووٹ لینے والے امیدوار بن گئے ہیں۔ صدر ٹرمپ کو اس ناقابل یقین شکست کا گہرا صدمہ ہے۔

گذشتہ دنوں ڈونلڈ ٹرمپ نے اقتدار کی منتقلی کی حامی بھرتے ہوئے انتظامات کرنے کی ہدایات کردی ہے تاہم وہ عوام کے سامنے اپنی شکست کا باضابطہ اعتراف کرنے سے ہچکچا رہے ہیں۔

امریکی صدر کی جانب سے شکست تسلیم نہ کیے جانے پر سوشل میڈیا پر مختلف قیاس آرائیاں اور دلچسپ میمز بھی وائرل ہوئی ہیں۔

سوشل میڈیا صارفین کا کہنا ہے کہ ڈونلڈ ٹرمپ وائٹ ہاؤس نہیں چھوڑنا چاہتے تو کوئی کہہ رہا ہے کہ ٹرمپ وائٹ ہاؤس کو ہی خرید لیں گے اور ہمیشہ یہیں رہیں گے۔

بعض صارفین کا کہنا ہے ٹرمپ وائٹ ہاؤس چھوڑنے سے قبل توڑ پھوڑ کرکے اسے برباد کردیں گے ۔

اسی حوالے سے ایک ویڈیو بھی سوشل میڈیا پر گردش کررہی ہے جس میں مبینہ طور پر ڈونلڈ ٹرمپ کو آفس میں توڑ پھوڑ کرتے دکھایا گیا ہے۔

لیکن  کیا واقعی ڈونلڈ ٹرمپ نے اپنے دفتر میں توڑ پھوڑ کی ہے؟

فرانسیسی خبر رساں ایجنسی  کے ‘حقائق کی جانچ’ سے معلوم ہوا ہے کہ ایسا کچھ بھی نہیں  ہے۔

درحقیقیت جو ویڈیو وائرل ہورہی ہے وہ 2017 کی ہے جس میں برطانوی کامیڈی چینل سے پروگرام کرنے والے ‘ڈمی ٹرمپ’ اپنے دفتر میں توڑ پھوڑ کررہے ہیں۔

ویڈیو میں ڈمی ٹرمپ کا چہرہ دھندلا کردیا گیا ہے تاکہ دیکھنے والے کو یہی لگے کہ یہ اصلی ڈونلڈ ٹرمپ ہیں۔