نو منتخب امریکی صدر جو بائیڈن کا کہنا ہے کہ عالمی وبا کورونا وائرس کی ویکسین کی منظوری کے بعد اس کے آنے میں بھی کئی ماہ لگیں گے۔

بین الاقوامی ذرائع ابلاغ کے مطابق ایک بیان میں جو بائیڈن نے کہا ہے کہ کورونا وائرس کی ویکسین کے استعمال کی منظوری سائنس کی روشنی میں ہونی چاہیئے،مستند ذریعے سے منظور ہونے والی ویکسین ہی عوام کے لیے قابلِ بھروسہ ہو گی۔

نو منتخب امریکی صدر کا کہنا ہے کہ ویکیسن کی اچھی خبر کے باوجود امریکا موسمِ سرما کے سخت دنوں سے گزرے گا، امریکا میں کورونا وائرس کے مریضوں اور اس سے اموات میں اب بھی مسلسل اضافہ ہو رہا ہے۔

 جو بائیڈن نے کہا کہ کورونا وائرس کے خلاف جنگ میں ہم سائنس کی پیروی کریں گے۔

انہوں نے احتیاط پر زور دیتے ہوئے کہا کہ عوام ماسک ضرور پہنیں، اس سے ہزاروں زندگیاں محفوظ ہو سکتی ہیں۔

مزید پڑھیں

ہم کورونا سے تھک سکتے ہیں لیکن کورونا ہم سے نہیں

عالمی ادارہ صحت کا کورونا وائرس کی دوسری لہر آنے کے بعد...

واضح رہےکہ عالمی ادارہ صحت کے سربراہ نے بھی خبر دار کرتے ہوئے کہا ہے کہ ہم کورونا سے تھک سکتے ہیں لیکن کورونا ہم سے نہیں تھک سکتا ہے، ہم صرف کورونا سے لڑ کر بیمار ہو سکتے ہیں۔

 عالمی ادارہ صحت کے سربراہ نے امریکہ کے نو منتخب صدر جوبائیڈن کو مبارکباد پیش کرتے ہوئے امید ظاہر کی ہے کہ وہ کورونا پر قابو پانے میں تعاون کریں گے۔