ہیٹ ویو: کن احتیاطی تدابیر کو اپنا کر خود کو محفوظ رکھ سکتے ہیں؟
خبردار ۔۔۔ محکمہ موسمیات نے کراچی میں آج سے 8 مئی تک...
دنیا اس وقت سردی کی لپیٹ میں ہے جبکہ آسٹریلیا میں ہیٹ ویو جاری ہے۔
غیر ملکی خبر رساں ادارے کے مطابق آسٹریلیا میں ہیٹ ویو نے سب ہی پرانے ریکارڈ توڑ دیئے ہیں۔
آسٹریلیا کے شہر سڈنی میں پارہ 40 سے اوپر چلا گیا ہے جبکہ نیو ساؤتھ ویلز، وکٹوریا اور ساؤتھ آسٹریلیا میں درجۂ حرارت 45 ڈگری تک پہنچ گیا ہے۔
خیال رہے کہ 6 ہفتوں سے ایک جزیرے میں لگی آگ سے بھی گرمی کی شدت میں اضافے کا خطرہ ہے۔
دوسری جانب کوئنزلینڈ کے ایک جزیرے پر جنگل میں لگی آگ 6 ہفتوں بعد بھی بے قابو ہے، جزیرے کا ایک تہائی حصہ آگ کی لپیٹ میں آچکا ہے۔
یاد رہے کہ حکام کی جانب سے متاثرہ علاقے سے شہریوں کے انخلاء کے احکامات ابھی جاری نہیں کیئے گئے ہیں۔
واضح رہے کہ آسٹریلیا کے محکمۂ موسمیات نے نیو ساؤتھ ویلز کےشمالی اور کوئنزلینڈ کے جنوب مشرقی حصوں میں 5 سے 6 دن تک ہیٹ ویو کے زیرِ اثر رہنے کا امکان ظاہر کیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News