سعودی عرب کے ساحلی شہر جدہ میں کرسمس کی رنگارنگ تقریب


ویب ڈیسکویب ایڈیٹر

25th December, 2020
Square ad 300 x 250

سعودی عرب کے ساحلی شہر جدہ میں کرسمس کی رنگارنگ تقریب منعقد ہوئی ۔

تفصیلات کے مطابق سعودی عرب کے ساحلی شہر جدہ میں کرسمس کی رنگارنگ تقریب منعقد ہوئی   جس میں پاکستان کرسچن ویلفیئر سوسائٹی کے مسیحی مردو خواتین کی بڑی تعداد نے شرکت کی ۔

تقریب کے مہمان خصوصی وائس قونصلر جنرل جدہ شائق احمد بھٹو تھے۔

اس موقع پر کرسچن کمیونٹی کے صدر پرویز یوسف نے پاکستان اور کشمیر سے اپنی محبت کا اظہار کیا اور وزیر اعظم عمران خان کی حکومت کا شکریہ ادا کرتے ہوئے کہا کہ یہ حکومت پاکستان کی مسیحی برادری سے محبت ہے کہ ہمیں اپنی مذہبی تقریبات  کے لیے ان کا بھر پور تعاون حاصل ہوتا ہے۔

مہمان شائق احمد بھٹو نے اپنے خطاب میں قونصلیٹ کی جانب سے اپنے بھر پور تعاون کا اظہار کرتے ہوئے کہا کہ حضرت عیسی ٰ علیہ السلام اور آپ کی کتاب پر یقین کے بغیر ہمارا مذہب بھی مکمل نہیں ہوتا۔

تقریب سے  پیٹرک فلک شیر ،جان گلزار ،پاک میڈیا  کے صدر چوہدری نورالحسن گجر ،سینئر صحافی عرفان کھٹانہ  اور دیگر نے بھی خطاب کیا اور کرسچن کیمونٹی کو کرسمس کی مبارکباد دی ۔

تقریب کے اختتام پر پرتکلف عشائیہ سے قبل کرسمس کا کیک  بھی کاٹا گیا ۔