اقوام متحدہ نے فوجی مبصر مشن اہلکاروں اور گاڑی پر بھارتی حملے کی تحقیقات کا آغاز کر دیا۔
تفصیلات کے مطابق اقوام متحدہ نے ایل او سی پر فوجی مبصر مشن اہلکاروں اور گاڑی پر بھارتی حملے کی تحقیقات کا آغاز کر دیا ہے۔
اقوام متحدہ سیکرٹری جنرل کے ترجمان اسٹیفن ڈوجیرک نے تصدیق کی ہے کہ اقوام متحدہ کی گاڑی سے کوئی نامعلوم شے ٹکرائی تھی ۔
انہوں نے کہا کہ اقوام متحدہ فوجی مبصر مشن تمام پہلوؤں سے تحقیقات کر رہا ہے تاہم تحقیقات کے حوالے سے فی الوقت مزید کچھ نہیں کہا جا سکتا۔
یاد رہے کہ بھارتی قابض فورسز نے 18 دسمبر کو اقوام متحدہ اہلکاروں کی گاڑی پر حملہ کیا تھا۔ اقوام متحدہ فوجی مبصر مشن راولاکوٹ کے قریب اپنا معمول کا کام کر رہا تھا۔
Advertisement
اقوام متحدہ مبصر مشن بھارت کی بلا اشتعال فائرنگ و گولہ باری کے متاثرین کے انٹرویو ریکارڈ کرنے پولاس گاؤں جا رہا تھا۔ پاک فوج نے اقوام متحدہ فوجی مبصرین کو تحفظ دیا اور راولاکوٹ پہنچایا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
