سائنس اور ٹیکنالوجی کی دنیا میں چین نے ایک اور بڑی کامیابی حاصل کرلی ہے۔
تفصیلات کے مطابق چین کے خلائی مشن نے مریخ کی سطح پر اترنے میں کامیابی حاصل کرکے نئی تاریخ رقم کردی ہے، اس کامیابی سے چین امریکا کے بعد دوسرا ملک بن گیا ہے جس کا مشن مریخ کی سطح پر اترا ہے۔
چینی مشن سرخ سیارے میں قدیم زندگی کی موجودگی پر تحقیق کرے گا۔
15 مئی کو تیان وین 1 مشن کا روور زورونگ مریخ کے ایک وسیع و عریض میدان یوٹوپیا پلانیٹا پر اترا۔
چینی مشن مریخ کی سطح پر اترنے کے لیے 14 مئی کی شام کو آربٹر سے الگ ہوا جبکہ 3 گھنٹے بعد لیننگ موڈیول آربٹر سے الگ ہوکر مریخ کے ماحول میں داخل ہوا۔
Advertisement
یہ لینڈر روور کے پلیٹ فارم کے طور پر کام کررہا ہے۔
زورونگ میں 6 سائنسی آلات موجود ہیں جن میں ایک ہائی ریزولوشن ٹوپوگرافی کیمرا بھی شامل ہے، یہ روور مریخ کی سطح اور ماحول کی تحقیق کرے گا اور سرخ سیارے میں قدیم زندگی، سطح کے نیچے پانی اور برف کے آثار تلاش کرنے کی کوشش بھی کرے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
