امریکہ کی جانب سے خلائی سفر کرنے والی ارب پتی شخصیات کو خلا باز ماننے سے انکار کردیا گیا ہے۔
رپورٹس کے مطابق حال ہی میں امریکہ نے خلا باز کہلائے جانے والوں کے قوائد اور ضوابط میں تبدیلی کی ہے جس کے بعد دنیا کی امیر ترین شخصیت اور آن لائن کمپنی ایمازون کے بانی جیف بیزوس اور برطانوی تاجر رچرڈ برنیسن کو خلاباز ماننے سے انکار کردیا ہے۔
امریکہ کے خلا باز کہلانے کے نئے قوائد کے مطابق اب خلاباز کہلانے کے خواہاں افراد کے لئے ضروری ہے کہ وہ راکٹ کو بحفاظت خلا تک لے جانے والے عملے کا حصہ ہوں اور اور خلائی سفر کو محفوظ بنانے کے لیے انہوں نے کردار ادا کیا ہو۔
خلا باز کی اس نئی تعریف کے بعد امریکی حکومت کی نظر میں جیف بیزوس اور رچرڈ برینسن خلا نورد نہیں ہیں۔
یاد رہے کہ ایمازون کے بانی جیف بیزوس نے 20 جولائی کو اپنے بھائی، ولی فنک، 18 سالہ طالب علم اور ایک خاتون کے ہمراہ بلیو اوریجن کے راکٹ میں خلا تک کا سفر دس منٹ دس سیکنڈ میں مکمل کیا تھا۔
11 جولائی کو ارب پتی برطانوی تاجر رچرڈ برینسن تین دیگر مسافروں اور دو پائلٹس کے ہمراہ اپنی کمپنی ورجن گلیکٹک کے راکٹ پر خلائی سفر کے بعد زمین پر واپس آئے تھے۔
اس سے قبل صرف پروفیشنل خلا باز ہی خلا میں جاتے رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News