پینٹاگون کے مطابق امریکی محکمہ دفاع گوام اور آسٹریلیا میں فوجی تنصیبات کو اپ گریڈ کرے گا۔
غیر ملکی خبر رساں ادارے کی رپورٹ کے مطابق پینٹاگون افسران کا کہنا تھا کہ محکمہ دفاع چین کو اپنا سب سے بڑا دفاعی حریف سمجھتا ہے جس کی وجہ سے اپنی توجہ اس پر مرکوز کرے گا جبکہ امریکی محکمہ دفاع گوام اور آسٹریلیا میں فوجی تنصیبات کو بھی اپ گریڈ کرے گا۔
واضح رہے کہ چین کی ترقی کا مقابلہ کرنے کے لیے امریکا، آسٹریلیا اور برطانیہ کے درمیان ایک نیا اتحاد تشکیل پایا ہے جسے آکوس کا نام دیا گیا ہے۔
یہ اتحاد ایک ایسے وقت میں بنا ہے جب چین اپنی بحریہ تشکیل دے رہا ہے جس کی وجہ سے ایشیا میں دہائیوں سے امریکی فوجی تسلط کا امتحان ہے جبکہ چین نے متنازع جنوبی چائنا سمندر میں اپنا کنٹرول مضبوط کیا ہے اور امریکا کے اہم اتحادی تائیوان کے خلاف اپنے فوجی خطرات میں بھی اضافہ کیا ہے۔
دوسری جانب پینٹاگون کا کہنا ہے کہ امریکا مشرقی وسطی میں ایران اور جہادی گروپوں کو روکنے کے لیے اپنی فوج برقرار رکھے گی جبکہ چین اور روس کو مدنظر رکھتے ہوئے امریکا اپنے فوجیوں کی تعداد اور اڈوں میں اضافہ کرے گا۔
یاد رہے کہ گزشتہ روز روس نے جدید ہائپر سونک کروز میزائل ’سکرون‘ کا کامیاب تجربہ کیا ہے جس نے 400 کلو میٹر دور اپنے ہدف کو کامیابی سے نشانہ بنایا ہے جبکہ اس میزائل کے تجربے سائنسدان اور ماہرین کافی عرصے سے مصروف تھے۔
روسی وزارت دفاع کی جانب سے جاری ایک بیان میں کہا گیا ہے کہ سرکون نامی ہائپر سونک کروز میزائل کو جنگی جہازوں اور آبدوزوں میں نصب کیا جائے گا جس سے بحری حدود کی حفاظت مزید مضبوط اور مستحکم ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News