مغربی افریقہ کے ملک سیئر لیون میں خوفناک حادثے کے سبب 90 سے زائد افراد ہلاک اور متعدد زخمی ہوگئے ہیں۔
غیر ملکی خبر رساں ادارے کے مطابق سیئر لیون کے دارالحکومت میں ایک فیول ٹینکر میں تصادم کے بعد دھماکہ ہوا ہے جس سے متعدد ہلاکتیں ہوئی ہیں۔
حکومت کی جانب سے ہلاکتوں سے متعلق کوئی تصدیق نہیں کی گئی ہے تاہم مرکزی مردہ خانے کے مینیجر کا کہنا ہے کہ اب تک 91 افراد کی لاشیں یہاں لائی جاچکی ہیں۔
مقامی حکام کا کہنا ہے کہ فیول لے جانے والے ٹینکر کی ٹرک سے ٹکر کے باعث حادثہ پیش آیا ۔
دھماکے کے بعد ہرطرف آگ لگ گئی ، جس کے نتیجے میں متعدد گاڑیاں اور موٹرسائیکلیں بھی نذرآتش ہوگئی ہیں۔
ڈیزاسٹر مینجمنٹ اہلکار کا کہنا ہے کہ اس حادثے کی خوفناکی کا اندازہ سوشل میڈیا پر شئیر کردہ ویڈیو میں آگ کی سنگینی کو دیکھ کر بخوبی لگایا جاسکتا ہے ۔
حکام کی جانب سے ہلاکتوں میں اضافے کا خدشہ ظاہر کیا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News