ٹیکنالوجی کی دنیا کا ایک اور اہم عہدہ بھارتی نژاد شخص کو مل گیا

Muhammad Kashan

30th Nov, 2021. 12:29 pm

واشنگٹن: ٹیکنالوجی کی دنیا میں بھارت کو گوگل اور مائیکرو سافٹ کے بعد ٹوئٹر کے سے ای او کا عہدہ بھی مل گیا ہے۔

غیر ملکی خبر رساں ادارے کی رپورٹ کے مطابق سماجی رابطے کی مائیکرو بلاگنگ ویب سائٹ ٹوئٹر کے سی ای او جیکب ڈورسی نے اپنے عہدے سے استعفیٰ دے دیا  جس کے بعد اب ٹوئٹر کے نئے سی ای او پارگ اگروال منتخب ہوگئے ہیں۔

پارگ اگروال نے 2011 میں ٹوئٹر جوائن کیا جس کے بعد وہ کنزیومر انجینئرنگ میں اپنے کام کی وجہ سے ٹوئٹر کے پہلے ممتاز انجینئر بن گئے جبکہ ٹوئٹر نے انہیں 2018 میں کمپنی کا سی ٹی او بنایا تھا۔

پارگ اگروال نے کمپنی میں ترقی کی رفتار کو بہتر بنانے کا کام کیا جبکہ 2019 میں ٹوئٹر کے سی ای او جیک ڈورسی پارگ کو پروجیکٹ بلوسکی کا سربراہ بنادیا تھا۔

سابق سی ای او ٹوئٹر جیکب ڈورسی کا کہنا ہے کہ انہوں نے ٹوئٹر چھوڑنے کا فیصلہ کیا کیونکہ انہیں یقین ہے کہ کپمنی اپنے بانیوں سے آگے بڑھنے کو تیار ہے۔

جیکب ڈورسی کا مزید کہنا تھا کہ پارگ اگروال کے ٹوئٹر کے سی ای او کے طور پر ان کا گہرا اعتماد ہے جبکہ انہوں نے کمپنی کا تمام کاموں کے لیے شکریہ ادا کیا۔

ٹوئٹر کے نئے سی ای او پارگ اگروال کا کہنا تھا کہ جیک کی قیادت میں ہم نے جو کچھ بھی سیکھا اسے مزید اچھا بنانے کی کوشش کریں گے اور اپنے عمل کو بہتر بنانے کے لیے ہم اپنے صارفین اور شیئر ہولڈرز کو زبردست قیمت فراہم کریں گے۔

واضح رہے کہ پارگ اگروال کا تعلق بھارت سے ہے اور انہوں نے انڈین انسٹی ٹیوٹ آف ٹیکنالوجی بمبئی سے کمپیوٹر سائنس اور انجینئرنگ میں بیچلر کی ڈگری حاصل کی ہے اور اسٹینفورڈ یونیورسٹی سے پی ایچ ڈی کیا ہے۔

Square Adsence 300X250