پیرس: فرانس نے ’بیجنگ سرمائی اولمپکس‘ کے سفارتی بائیکاٹ سے انکار کردیا ہے۔
غیر ملکی خبر رساں ادارے کی رپورٹ کے مطابق فرانس کے وزیر تعلیم کا کہنا ہے کہ فرانس دیگر مغربی ممالک کی پیروی نہیں کرے گا اور فروری میں ہونے والے بیجنگ سرمائی اولمپکس کا بائیکاٹ نہیں کرے گا۔
فرانس کے وزیر تعلیم کی جانب سے جاری کردہ بیان میں مزید کہنا تھا کہ چین میں کسی بھی قسم کی ہونے والی انسانی حقوق کی خلاف ورزی کی مذمت ہونی چاہئیے۔
یہ بھی پڑھیں: بیجنگ سرمائی اولمپکس کے سفارتی بائیکاٹ میں برطانیہ اور کینیڈا بھی شامل
دوسری جانب فرانسیسی وزیر خارجہ نے موقف اختیار کیا ہے کہ فرانس کو بھی یورپی یونین کے دیگر ممالک کے ساتھ مکنہ سفارتی بائیکاٹ پر مشترکہ موقف اختیار کرنے کی ضرروت ہے۔
واضح رہے کہ امریکا، آسٹریلیا سمیت برطانیہ اور کینیڈا نے بھی اس ہفتے بیجنگ سرمائی اولمپکس کے سفارتی بائیکاٹ کا اعلان کیا ہے۔
اس حوالے سے برطانوی وزیر اعظم بورس جانسن نے اعلان کیا ہے کہ بیجنگ سرمائی اولمپکس میں کسی وزیر کو نہیں بھیجا جائے گا۔
یاد رہے کہ امریکا کے سفارتی بائیکاٹ پر چین نے شدید مذمت کی ہے جبکہ چینی وزارت خارجہ کا کہنا تھا کہ چین امریکی اقدام پر بھرپور ردعمل دے گا تاہم ردعمل کی تفصیل ابھی سامنے نہیں آئی ہیں۔
یہ بھی پڑھیں: ونٹر اولمپلکس: امریکی سفارتی بائیکاٹ پر چین کی دھمکی
ترجمان چینی وزارت خارجہ نے سفارتی بائیکاٹ کی بنیاد جھوٹ اور افواہ قرار دی ہے جبکہ انہوں نے امریکا پر کھیلوں میں غیر جانبداری کا بھی الزام عائد کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News