امریکی فیڈرل ڈرگ ایڈمنسٹریشن نے کورونا کی نئی دوا کی منظوری دے دی ہے۔

امریکی فوڈ اینڈ ڈرگ ایڈمنسٹریشن نے کورونا وائرس کے علاج کے لیے فائزر کمپنی کی تیار کردہ ٹیبلٹ کی شکل میں پہلی دوا کی منظوری دی ہے جبکہ اس حوالے سے ایف ڈی اے کا کہنا ہے کہ ٹیبلٹ کی شکل میں دوا کو عالمی سطح پر کورونا کے لئے موثر قرار دیا جائے گا۔

یہ بھی پڑھیں: ویکسین شدہ افراد میں سپر مُدافعت پیدا ہوسکتی ہے، تحقیق

یہ نئی پیکس لووڈ ٹیبلٹ دو ٹیبلٹ پر مشتمل پیکج ہے جو 12 سال کے بچوں سے لے کر بڑی عمر کے افراد کے لیے معمولی اور معتدل نوعیت کی کورونا کی بیماری کے لیے کار آمد ہوگی اور کورونا ٹیسٹ مثبت آنے کی صورت میں ہی دی جاسکے گی۔

یہ نئی کورونا ٹیبلٹ ڈاکٹروں کے نسخہ پر ہی دستیاب ہوگی اور کورونا کی تشخیص ہونے کے پانچ دن کے اندر دینا ضروری ہوگی۔

یہ بھی پڑھیں: عالمی ادارہ صحت نے دسویں نئی کورونا ویکسین کی منظوری دے دی

یہ نئی ٹیبلٹ چونکہ دو ٹیبلٹس کا پیکج ہے اس لئے ایک دوا کی دو اور دوسری دوا کی ایک گولی ملا کر کھانی ہوگی اس طرح مریض دن میں دو بار مجموعی طور پر چھ گولیاں ایک ہفتے تک کھانے کا پابند ہوگا۔

دوسری جانب عالمی ادارہ صحت نے دنیا کی دسویں نئی کورونا ویکسین کی منظوری دے دی ہے جبکہ یہ ویکسین امریکی دوا ساز کمپنی نووا ویکس نے تیار کی ہے اور اس کا نام نوویکسویڈ ہے۔

عالمی ادارہ صحت کے مطابق اس ویکسین کے دو بڑے کلینیکل ٹرائلز کے نتائج میں سامنے آیا ہے کہ نوویکسویڈ ویکسین 90 فیصد مؤثر ہے جبکہ امریکا اور میکسیکو میں 45 ہزار افراد پر اس ویکسین کی آزمائش کی گئی تھی۔

رپورٹ کے مطابق یہ ویکسین پہلے منظور کی جانے والی ویکسینز کے مقابلے میں روایتی ٹیکنالوجی کی مدد سے تیار کی گئی ہے جبکہ نوویکسویڈ ویکسین کورونا وائرس پر پائے جانے والے پروٹینز کو استعمال کرنے کی روایتی ٹیکنالوجی سے بنائی گئی ہے جس سے مدافعت پیدا ہوتی ہے۔