امریکا کی جانب سے 2022 ونٹر اولمپلکس کے سفارتی بائیکاٹ کیے جانے پر چین نے شدید مذمت کی ہے۔ امریکا نے گزشتہ روز بیجنگ سرمائی اولپمکس 2022 کے سفارتی بائیکاٹ کا اعلان کیا تھا۔
چینی وزارتِ خارجہ کے ترجمان ژاو لی جیان نے کہا ہے کہ چین امریکی اقدام کے خلاف بھرپور ردعمل دے گا تاہم انہوں نے ردعمل کی تفصیل بتانے سے گریز کیا۔
ترجمان ژاو لی جیان نے امریکا پر کھیلوں میں غیر جانبداری کی خلاف ورزی کا الزام عائد کرتے ہوئے کا کہ مجوزہ بائیکاٹ کی بنیاد جھوٹ اور افواہوں کے سوا کچھ نہیں۔
واشنگٹن ڈی سی میں ترجمان وائٹ ہاؤس جین ساکی نے گزشتہ روز میڈیا بریفنگ میں کہا تھا کہ امریکا آئندہ برس چین میں ہونے والے سرمائی اولمپکس اور پیرا لمپکس میں کوئی سفارتی یا سرکاری وفد نہیں بھیجے گا۔
ترجمان وائٹ ہاؤس جین ساکی نے بتایا کہ یہ فیصلہ چین کی جانب سے سنکیانگ میں اویغور مسلمانوں کی نسل کشی اور انسانی حقوق کی دیگر خلاف ورزیوں کو مدنظر رکھتے ہوئے کیا گیا ہے تاہم ایونٹس میں شریک امریکی کھلاڑیوں کو امریکی انتظامیہ کی مکمل حمایت حاصل ہوگی۔
چین کے سپر پاور بننے اور عالمی اُفق پر روز افزوں بڑھتے اثر ورسوخ کے باعث دونوں ملکوں کے بیچ اقتصادی اور دفاعی رقابت عروج پر ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News