جنوبی امریکا کے ملک پیرو میں فضائیہ کا ہیلی کاپٹر گرنے کے نتیجے میں 5 اہلکار ہلاک ہو گئے ہیں۔
غیر ملکی خبر رساں ادارے کے مطابق پیرو کی فضائیہ نے تصدیق کی ہے کہ فضائیہ کے ہیلی کاپٹر کے عملے کے پانچ ارکان جو منگل سے لاپتہ تھے بدھ کو لیما کے علاقے میں مردہ پائے گئے ہیں۔
فضائیہ نے ایک بیان میں کہا ہےکہ مسلح افواج نے لاپتہ ہونے والے ہیلی کاپٹر کو تلاش کرلیا ہے۔ہیلی کاپٹر نے منگل کی دوپہر لیما کے جارج شاویز بین الاقوامی ہوائی اڈے سے اڑان بھری تھی۔
ایم آئی 171 ایس ایچ ہیلی کاپٹر کا لیما سے تقریباً 70 کلومیٹر مشرق میں واقع میونسپلٹی سان میٹیو کے قریب رابطہ منقطع ہو گیا تھا ، جس کے بعد حکام نے فضائی اور زمینی تلاش شروع کر دی جو خراب موسم کی وجہ سے معطل کر دی گئی تھی۔
پیرو کے صدر پیڈرو کاسٹیلو نے سماجی رابطے کی ویب سائٹ ٹوئیٹر پر اہلکاروں کی ہلاکت پر تعزیت کا اظہار کرتے ہوئے کہا کہ انہوں نے فرض کی ادائیگی میں اپنی جانیں دیں۔
واقعے کی وجہ جاننے کے لیے تحقیقات شروع کردی گئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News