بیجنگ سرمائی اولمپکس کے سفارتی بائیکاٹ میں برطانیہ اور کینیڈا بھی شامل

Web Desk

09th Dec, 2021. 11:52 am

آسٹریلیا اور امریکا کے بعد برطانیہ اور کینیڈا نے بیجنگ سرمائی اولمپکس کے سفارتی بائیکاٹ کا اعلان کردیا ہے۔

غیر ملکی خبر رساں ادارے کے مطابق برطانوی وزیر اعظم بورس جانسن نے اعلان کیا ہے کہ بیجنگ سرمائی اولمپکس میں کسی وزیر کو نہیں بھیجا جائے گا۔

دوسری جانب کینیڈٰین وزیر اعظم نے بھی بیجنگ سرمائی اولمپکس میں شرکت کے لیے کسی بھی عہدیدار کو نہ بھیجنے کا فیصلہ کیا ہے۔

واضح رہے کہ چین میں سرمائی اولمپکس اگلے سال فروری میں منعقد ہوں جبکہ گزشتہ دنوں چین میں انسانی حقوق کی خلاف ورزی کی بنیاد پر آسٹریلیا اور امریکا سمیت برطانیہ اور کینیڈا نے بھی سفارتی بائیکاٹ کا اعلان کیا ہے۔

یاد رہے کہ امریکا کے سفارتی بائیکاٹ پر چین نے شدید مذمت کی ہے جبکہ چینی وزارت خارجہ کا کہنا تھا کہ چین امریکی اقدام پر بھرپور ردعمل دے گا تاہم ردعمل کی تفصیل ابھی سامنے نہیں آئی ہیں۔

ترجمان چینی وزارت خارجہ نے بائیکاٹ کی بنیاد جھوٹ اور افواہ قرار دی ہے جبکہ انہوں نے امریکا پر کھیلوں میں غیر جانبداری کا بھی الزام عائد کیا ہے۔

خیال رہے کہ چین کے سپر پاور بننے اور عالمی اُفق پر روز افزوں بڑھتے اثر ورسوخ کے باعث دونوں ملکوں کے بیچ اقتصادی اور دفاعی رقابت عروج پر ہے۔

Square Adsence 300X250