بپن راوت کے ہیلی کاپٹر کا کاک پٹ وائس ریکارڈ مل گیا

Web Desk

09th Dec, 2021. 03:40 pm

بھارتی چیف آف ڈیفنس اسٹاف جنرل بپن راوت کے ہیلی کاپٹر کا کاک پٹ وائس ریکارڈ مل گیا ہے۔

بھارتی میڈیا کے مطابق ریاست نامل ناڈو میں گر کر تباہ ہونے والے فوجی ہیلی کاپٹر کی تحقیقات میں اہم پیش رفت ہوئی ہے اور فلائٹ ڈیٹا ریکارڈ سمیت کاک پٹ وائس ریکارڈ مل گیا ہے۔

واضح رہے کہ گزشتہ روز بھارتی ریاست تامل ناڈو کے علاقے کنور میں فوجی ہپلی کاپٹر گر کر تباہ ہوگیا تھا جس کے نتیجے میں ہیلی کاپٹر میں سوار 13 افراد ہلاک ہوگئے تھے۔

ہلاک ہونے والے افراد میں بھارتی چیف آف ڈیفنس اسٹاف جنرل بپن راوت اور ان کی اہلیہ بھی شامل تھی، جنرل بپن راوت ڈیفینس سروسز اسٹاف کالج جا رہے تھے جہاں اُنھیں اسٹاف کورس کے طلبہ افسران اور اساتذہ سے خطاب کرنا تھا۔

واضح رہے کہ بھارت کے چیف آف ڈیفینس اسٹاف جنرل بپن راوت کی آخری رسومات جمعے کو دہلی کینٹ میں ادا کی جائیں گی۔

دوسری جانب بپن راوت کی ہلاکت پر سوالات کھڑے ہوگئے ہیں جبکہ بھارتی میڈیا کا کہنا ہے کہ بعض فوجی حلقے ہیلی کاپٹر حادثے کو سازش قرار دے رہے ہیں کیونکہ روسی ساخت کا یہ ایم آئی 17 ہیلی کاپٹر ہر موسم میں انتہائی محفوظ سمجھا جاتا ہے۔

بھارتی میڈیا کا دعویٰ ہے کہ جنرل بپن راوت کے چیف آف ڈیفنس بننے کے بعد ان کی بھارتی ایئر چیف کے ساتھ چپقلش کسی سے ڈھپی چھپی نہیں یہ حادثہ بھارتی جرنیلوں کے درمیان باہمی چپقلش کا نتیجہ ہو سکتا ہے۔

Square Adsence 300X250