امریکا اور نیٹو اتحادی ممالک پیر سے بحیرہ روم میں 12 روزہ بحری مشقیں کریں گے۔
امریکی محکمہ دفاع کے ترجمان جان کربی نے گزشتہ روز کہا ہے کہ ’’نیپچون اسٹرائیک 22‘‘ نامی یہ بحری مشقیں چار فروری تک جاری رہیں گی جن کا مقصد نیٹو کی بحری صلاحیتوں کے مظاہرے اور تجربات ہیں۔
امریکا نے نیٹو کی بحری مشقوں کے انعقاد کے فیصلے کا اعلان کرتے ہوئے کہا کہ اس میں یو ایس ایس ہیری ٹرومین طیارہ بردار بحری جہاز بھی شامل ہوگا۔
اِس اعلان سے ایک دن پہلے ہی روس نے کہا تھا کہ وہ جنوری اور فروری کے دوران بحرالکاہل سے بحر اوقیانوس تک سمندر میں اپنی بحری صلاحیتوں کا مظاہرہ کرے گا جس میں 140 جنگی جہاز اور دس ہزار فوجی شامل ہوں گے۔
امریکی طیارہ بردار جہاز یو ایس ایس ہیری ٹرومین اور اس کیریئر گروپ کے دیگر جہاز دسمبر کے وسط سے ہی بحیرہ روم میں موجود ہیں۔
امریکی وزیر دفاع لائیڈ آسٹن کا کہنا ہے کہ روس کے ساتھ کشیدگی کے ماحول میں یورپی اتحادیوں کو یقین دہانی کے لیے یہ فیصلہ کیا گيا ہے۔
بحری مشقوں کا یہ اعلان امریکی سیکرٹری آف اسٹیٹ انٹونی بلنکن کے جینیوا میں اپنے روسی ہم منصب سرگئی لاوروف کے ساتھ بات چیت کے چند گھنٹے بعد ہی آیا ہے۔
امریکی محکمہ دفاع کے ترجمان جان کربی نے گزشتہ روز یہ وضاحت کی تھی کہ روس کے ساتھ ہونے والی بات چیت نے بحری مشقوں کے انعقاد میں ایک کردار تو ادا کیا ہے تاہم نیٹو کی یہ مشق اِس قسم کی صورتحال کے خلاف تشکیل نہیں دی گئی جو یوکرائن کے حوالے سے ہو سکتی ہے۔
لیکن نیٹو کی ویب سائٹ نے 14 دسمبر کو اس برس کے لیے جو پہلے سے طے شدہ مشقوں کی فہرست جاری کی تھی اس میں اِس مشق کا کوئی ذکر نہیں ہے۔
جان کربی کہتے ہیں کہ اس وقت تناؤ کے مدنظر اِن مشقوں کی پوزیشن کے بارے میں کافی غور اور ہمارے نیٹو اتحادیوں کے ساتھ مشورے کے بعد ہی فیصلہ کیا گیا ہے۔
مزید پڑھیں
- NATO
- russia
- russia ukraine crisis
- us
- us defence spokesman john kirby
- us nato announce naval drills
- us nato naval drills naptune strike 22
- uss carrier harry s. truman
- امریکا
- امریکا اور نیٹو کا بحری مشقوں کا اعلان
- امریکا نیٹو بحری مشقیں نیپچون اسٹرائیک 22
- امریکی دفاعی ترجمان جان کربی
- امریکی طیارہ بردار جہاز یو ایس ایس ہیری ٹرومین
- روس
- روس یوکرائن تنازع
- نیٹو
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News