شمالی امریکی ملک میکسیکو میں دو ہفتوں کے اندر تین صحافیوں کو قتل کر دیا گیا۔
غیر ملکی میڈیا رپورٹس کے مطابق دو روز قبل ایک خاتون رپورٹر لارڈس میلڈوناڈو لوپیز کو گولی مار کر قتل کر دیا گیا تھا، رپورٹر نے حکام کو آگاہ کیا تھا کہ اس کی جان کو خطرہ ہے۔
حکام نے بتایا کہ جب کہ دوسرے رپورٹر لورڈیس مالڈوناڈو لوپیز کو اتوار کو اپنی کار میں گولی مار کر ہلاک کیا گیا تھا۔
خیال رہے کہ بدعنوانی اور سیاست کی کوریج کرنے والی خاتون صحافی پر ماضی میں کئی بار حملہ ہو چکا ہے۔
کمیٹی ٹو پروٹیکٹ جرنلسٹس (سی پی جے) نے خاتون صحافی کے قتل پر صدمے کا اظہار کیا اور حملے کی مکمل اور شفاف تحقیقات کا مطالبہ کیا۔
اس سے قبل 10 دنوں کے اندر دوسرے شہروں میں دو مختلف گروپوں کے دو صحافیوں کو قتل کیا گیا تھا۔
دوسری جانب میکسیکو کے صحافیوں نے تین رپورٹرز کے حالیہ قتل کے خلاف ملک گیر احتجاج شروع کردیا اور تحفظ کا مطالبہ کیا ہے۔
مظاہرین نے سڑک پر پھول اور موم بتیاں بچھائیں اور قتل ہوئے صحافیوں کی تصویر کے ساتھ دیوار پر لکھا “صحافت ایک خطرہ ہے۔
یاد رہے کہ میکسیکو صحافیوں کے لیے دنیا کے خطرناک ترین ممالک میں سے ایک سمجھا جاتا ہے اور 2000-2021 کے درمیان تقریباً 145 افراد ہلاک ہو چکے ہیں۔
میکسیکو کے صحافیوں کے نیٹ ورکس نے اجتماعات کے انعقاد کے لیے آن لائن احتجاجی مہم بھی شروع کی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News