یمن میں موجود حوثی باغیوں نے اقوام متحدہ کی جانب سے متحدہ عرب امارات کے بحری جہاز کو چھوڑنے کا مطالبہ مسترد کر دیا ہے۔
عرب نیوز کے مطابق آج حوثی ملیشیا کے عہدیدار حسین العزی حوثی نے اقوام متحدہ کے جہاز کو چھوڑنے کے مطالبے کو مسترد کرتے ہوئے ایک بار پھر اپنے اِس دعوے کو دہرایا کہ جہاز عرب اتحاد کے لیے ہتھیار لے کر جا رہا تھا۔
حوثی ملیشیا کے عہدیدار حسین العزی حوثی نے اماراتی بحری جہاز کو چھوڑنے کا مطالبہ کرنے پر اقوام متحدہ کی سلامتی کونسل کو تنقید کا نشانہ بھی بنایا اور اقوام متحدہ پر عوامی رائے کو گمراہ کرنے کا الزام بھی عائد کیا۔
واضح رہے کہ حوثی باغیوں نے 3 جنوری کو یمن کے سقطریٰ جزیرے سے سعودی بندرگاہ جازان تک طبی سامان لے جانے والے اماراتی کارگو جہاز پر قبضہ کر لیا تھا۔
اس کے جواب میں یمن کے فوجیوں نے اتحادی فضائیہ کی مدد سے جمعے اور ہفتے کو مارب شہر کے جنوب اور مغرب میں نئے پہاڑی مقامات کا کنٹرول سنبھال لیا ہے۔
یمن کی وزارت دفاع اور مقامی میڈیا کے مطابق مارب کے جنوب میں مارب ڈسٹرکٹ میں حوثیوں کی پناہ گاہوں پر نہایت شدت سے حملے کیے گئے ہیں۔
رواں سال کے آغاز سے اب تک حوثیوں کو اس وقت زبردست دھچکے لگے جب یمن افواج نے تیل کی دولت سے مالا مال صوبے شبوہ کے تین اضلاع کا کنٹرول سنبھال لیا اور بعد میں ضلع حرب میں پیش قدمی کی۔
عرب اتحاد نے آج یمنی شہریوں پر زور دیا کہ وہ مارب اور البیضا کو حرب، بیحان اور اوسیلان اضلاع سے ملانے والی مرکزی سڑکوں سے نہ گزریں۔ انہوں نے ان علاقوں کو آپریشنز کے علاقے ڈکلیئر کیا ہے۔
عرب اتحاد نے مزید کہا ہے کہ گزشتہ 24 گھنٹوں میں البیضا اور مارب صوبوں میں 60 فضائی حملوں میں 345 حوثی باغیوں ہلاک ہوئے ہیں جبکہ ان کی 37 گاڑیاں تباہ ہوئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News