یوکرینی فوج اور علیحدگی پسندوں کے درمیان کانٹیکٹ لائن پر جاری ہے جبکہ ہزاروں افراد نے مشرقی یوکرین سے نقل مکانی کرلی۔

مغربی رہنماؤں نے خبردار کیا ہے کہ روس اپنے پڑوسی پر حملہ کرنے کے لیے تیار ہے اور اس کے تین جانب ڈیڑھ لاکھ روسی سپاہی، جنگی جہاز اور آلات موجود ہیں۔

روس نے ہفتے کے روز بیلاروس کے ساتھ نیکلیئر مشقیں کیں اور بحیرہ اسود کے ساحل پر بحری مشقیں جاری ہیں۔

امریکا اور کئی یورپی ممالک نے روس پر یہ الزام عائد کیا ہے کہ وہ حملے کے لیے ماحول بنا رہا ہے۔

ان ممالک نے روس کو حملے کے نتیجے میں بھاری اور فوری پابندیوں کی دھمکی بھی دی ہے۔

یوکرینی صدر وولوڈیمِر زیلینسکی نے روسی صدر ولادمِر پیوٹن سے درخواست کی ہے کہ کسی جگہ کا انتخاب کرلیں تاکہ دونوں رہنماء مل کر اس بحران کے حل کرنے کی کوشش کر سکیں۔

ہفتے کے روز میونیخ سیکیورٹی کانفرنس میں زیلینسکی نے کہا کہ یوکرین پُرامین تصفیے کے لیے سفارتی راہ کو جاری رکھے گا۔

تاہم، کریملِن کی جانب سے کوئی فوری جواب نہیں دیا گیا ہے۔