بھارت اور بنگلا دیش میں بارش کی تباہ کاریاں، ہلاکتوں کی تعداد 93 ہوگئی

ویب ڈیسک

20th Jun, 2022. 03:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت اور بنگلا دیش میں بارش کی تباہ کاریاں، ہلاکتوں کی تعداد 93 ہوگئی

پاکستان کے پڑوسی ممالک بھارت اور بنگلا دیش میں بارش کی تباہ کاریوں سے ہلاکتوں کی تعداد 93 ہوگئی ۔

غیر ملکی خبر رساں ادارے کے مطابق مون سون بارشوں کی وجہ سے بنگلا دیش اور بھارت میں آنے والے سیلابوں کے نتیجے میں کم از کم 93 افراد ہلاک اور کئی ملین بے گھر ہو گئے ہیں۔

بھارتی حکام کا کہنا ہے کہ آسام میں لینڈ سلائیڈنگ سے 3 افراد ہلاک ہوئے جبکہ سیلابی ریلے میں 6 افراد بہہ گئے۔

حکام کا مزید کہنا ہے کہ ریاست بہار میں بجلی گرنے سے 17 افراد ہلاک ہوئے۔

دوسری جانب بنگلادیشی حکام کا کہنا ہے کہ تقریباً 20 لاکھ لوگ شدید بارشوں سے متاثر ہوئے ہیں۔

انہوں نے مزید کہا کہ اگرچہ سیلاب کی صورتحال اب آہستہ آہستہ بہتر ہو رہی ہے لیکن ملک کے دو اہم دریاؤں ’سورما ‘ اور ’کشیارا‘ میں پانی اب بھی خطرے کی سطح سے بلند ہے۔

حکام کا کہنا ہے کہ پھنسے ہوئے لاکھوں افراد کی مدد کے لیے فوج تعینات کر دی گئی ہے۔